Hong Kong vanlengtual sungah meikang in mi 1 liam
Hong Kong’s international airport ah tuni Monday ni in meikang in mi 1 liam cih Reuters pan kiza hi. Tua meikatna pen American Airlines vanleng geilian ah hi a, Cargo vanleng tungah van akikoihkoih laitak in meikuang akipan kici hi.
Hong Kong Police te genkhiatna ah meikuang pen nitaklam 5:30pm hunpawl in akipan hi a, Parking Berths teng kuanggawp in mi 1 zong liamlawh hi ci’n genkhia uhhi.
Vanleng sungah vanpuakding Loading Vehicle tawh akikoihkoih laitak in, meikuang akipanvat hi a, tua American Airlines pen tuahun laitak in asungah kuamah omlo in, ahawmlaitak cibilbel hi.
Hong Kong Airport Authority te genkhiatna ah hih meikuang pen Ground Level ah akuang hi a, amanlang in ki phelhkik theipah cihi. Meikuang koipan bangdan in kipankhia cihpen thunei te’n hoihtak kancianding uhhi ci’n genkhia uhhi.
Hih American Airlines pen USA, Los Angeles zuanin alengkhiading in aki thawithawi laitak, hihbangin meikuang tawh nawngkaina apiang kici hi.
Related: American Airlines vanleng khat meikanggawp ~ ZD
American Airlines te’n hihvai tawh kisai in thupiangpen amanmah hi a, ahi zongin meikuang pen vanleng sungah hilo in, vanpuakna Loading Vehicle tungpan meikuang akipan cihi. Mechanical Issue hangin meikuang akipan hi a, Los Angeles alending pen ki Cancel phot hi ci’n DailyStar te’n genkhia uhhi.
Aliampa pen Airport sungah nasem Worker khat cih kiza hi. Sawltak #zomidaily
Comment piaknop aomleh...