Malaysia palik khatin numei khat alet hiathuat laitak Photo kithehzak
Malaysia, Johor Baru sungah palik khatin numei khat akhut aletsak laitak Photo kizaih in Social Media ah ki khahkhia a, ki thehzak “Viral” gawp hi. Tua palikpa pen khuasung encikding in avak kawikawi Patrol Unit pan ahihi.
Ahi zongin hihbang in khuasung ah numei khattawh ki maingaplua in, akiletlet laitak uh Photo aki thehzak khitciangin tua palik papen Patrol Unit panin ki hemkhia in, mundang kipuak cih theStar te’n genkhia hi.
Tua palik papen Segamat Disctrict Police Headquarters pan hi a, ahi zongin agamtatna etlawmlo ahih manin, thakhatthu in Patrol Unit panin ki hemkhiapah hi ci’n State police chief Comm Datuk Mohd Khalil Kader Mohd in genkhia hi.
Ahi zongin tua numeinu tawh bangciciang gamtatna neihiam cihpen akicianzaw in ki kancian laiding hi cihzong genbeh hi.
Tua Photo akithehzak sungah numeinu pen puanliangkhai leh bombitom tengin, hih numeinu pen numei kizuak te hiding kici hi.
Zandiak mahmah inzong Johor Baru, Muar khuasung ah palik 7 Nightclub ah agualnop mahmah laitak Video ki zaihkha citciat hi. Tua Video akithehzak ciangin tungsiah thunei te’n tua palik mi 7 te amanlang in mundang ah ki tuahkhia sakpah uhhi.
Related: Palik khatin nupi nautawi lai asialtuksukna Video pen ki thehzakgawp
Tua palik mi 7 tepen Muar District Police Headquarters pan hiding kici a, Nightclub Entertainment Center khatah gualnuam in naki helmawk uh ahih manin, daan akipia ahihi. Gammakai, ulian, minam makai, biakna sia, pawlpikem te akilawmlo in agamtat ciangin mipi te’n mit dongkholh kisathei hi. Sawltak #zomidaily
Comment piaknop aomleh...