Zomite kimakaihna – Limlang

Zomite kimakaihna – Limlang

Jethro in Moses ahilh, tuni dong a kizang mipi makaih zia- Zomi kipawlnate leh makaite’n zang nailo. Makai ahih leh na khempeuh, thu khempeuh aneng atawng a sawkkim nuam, sai nuam, ukcip nuam, ama’ theihloh kal a kipawlna vai thu neupen leh vai nennen nangawn a kisem ding phallo.

Kimakaihna leh kinungzuihna thu i gen ciang, adiakdiak in makaite leh siate in a gen uh ciang Israel leh Amalek mite kidona a Moses khut a domsak Aron leh Hur thu limgen nuam mahmah napi hang, tua hun lian a galmai a pai Joshua leh a galkapte thu ki-limgen lo, ki-thupi gen masa hetlo. Moses in zong amah tutna guan a, akhut a domsak Aron leh Hur pen singkhia lo, hemkhia lo ahih lam kigen hetlo sese hi.

Paikhiatna 17:8-13 8 Tua ciangin Amalek mite hong pai-in Israel mite tawh Refidim-ah kido uh hi.

9 Moses in Joshua’ kiangah, “Eite adingin mi teel in la, paikhia-in Amalek mite tawh kido in; zing ciangin ka khut sungah Pasian’ ciangkhut tawh mual dawn-ah ka ding ding hi,” a ci hi.

10 Tua ahih bangin Joshua gamta a, Amalekte tawh kido uh hi, Moses, Aaron leh Hurte mual dawn ah paito uh hi.

11 Moses in a khut a san’sak peuhmah ciangin Israel in neh hi; amah in a khut a niamsak peuhmah ciangin Amalekte in neh hi.

12 Ahih hangin Moses a khut kham hi; tua ahih ciangin amaute in suangtum khat la-in ama’ nuai-ah koih uh a, tua tungah amah tu a, Aaron leh Hur in a pang khat tuak panin ama’ khutte len uh hi; tua ahih ciangin nitum mateng ama’ khutte kip hi.

13 Joshua in Amalek leh ama’ mite namsau tawh vat maai hi.

Paikhiatna 18:21-26 21 Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte’ tungah a uk dingin na koih ding hi.

22 Mite’ thu amaute khensak tawntung in; amaute in thu lian peuhmah ‘ kiangah hong puak ding uh hi, ahih hangin thu neute amau mah in khen tawm ding uh hi; tua hi leh nang adingin baih zaw ding hi, amaute in vangik hong puakpih ding uh hi.

23 Hih bangin hih lecin Pasian in thahatna hong pia ding a, nangmah in na sem paisuak zo ding hi; tua tham loin hih mite khempeuh zong amau’ omna-ah lungnuam takin ciah thei ding uh hi,” a ci hi.

24 Tua ahih ciangin Moses in a sungpa’ thu ngai-in ama’ gen khempeuh hih hi.

25 Israel khempeuh’ sung panin Moses in mipil misiamte teel a, mite a tul, a za, a sawmnga, a sawmte’ tungah a uk-in mite lutang-in amaute bawl hi.

26 Amaute in mite’ tungah a tawntungin thukhen uh hi; amaute in thuhaksate Moses’ tungah puak uh a, ahih hangin thu neute amaute in khen tawm uh hi.

Kiniamkhiat (humble)

James 4:10
– Humble yourself in the sight of the Lord and He will lift you up.

Humble/Kiniamkhiat acih ciang bangci dan hiam? Ei kiniamkhiat a i kingaihsut ciang a koici dan?

What is a humble person like?

– Humble means “modest; without an excess of pride.” A person who brags about being humble may have too much pride in being humble to actually be humble.

– Sometimes fictional characters try to earn favor by saying “I’m just a humble man in search of…” when it is obvious they are the opposite.

Zomite’n kiniamkhiat a i ngaihsut, kiniamkhiat i cih, kiniamkhiat/humble akhiatna i khiat dan man/dik khin taktak hetkei leh kilawm hi.

LST gen leh Manglai a kiniamkhiat/humble acih pen Zomite’ kiniamkhiat acih i teldan, ong kihilh dan tawh kibat tuak hetlo hi. Zomite’ kiniamkhiat dan pen hih atung a “fictional character” te-dan tam mahmah lel kasa hi.

Kiniamkhiat kineihna pen kiphatsak mahmahna na hizaw tham hi. Pau Khat Suan