Pawlpi Kum (7) cinpawi bawlding

Full Gospel Assembly Tulsa pawlpi abeisa kum sagih lai-in Tulsa khuapi a om Holliday Inn Hotel ah Oct 7,2007ni-in aki phutkhia hi-in tu-in Topa’n apawlpi lamin kum sagih cinpawi ong tung ding Oct 12,2014 ciangin nasia tak in,pawi ki khaamdinghi.Hih kumcinpawi ni ciangin pawlpi-in nipisim in Laisiangthosinna,Zohun,kawlhun leh Mang hun te avek in ki gawm khawmin hunkhat bek kizang dinghi.Zingsang nai 9:00am in biakinn ah kituah in thu nget khop na ki neidinghi. Nai 10:00am satlian ciangin lungdamkohbiakpiakna ki nei ding a,pawlpi biakinn konghon lai bangmah in,hunte hunukding,lasa ding te leh hunnei ding te ahunhun in ongding diamdiam ding uhhi.

Ki khopman ciangin mangan limmahmah tawh kikhawm khempeuh anki vak dinghi.Anpen Companay khat ah kivai khak dinga,companay te in sia inn mai ah buk onglam in tualai munah hunman ciangin nektheih lianding in na koihsak dinguhhi.Nau pangte ki mawlna dingzong zong ki vaihawmsak dinga,Fellowship hall sungah suakta takin ki mawlziahziah thei dinguhhi.

Pawlpi kiphut ciilin mi10 val khawngbek himah ta se leh Topa’n apawlpi thupha pia in tulaitak in pawlpi mi 529 cingta hi.Online pan a tha ongpia mimal kimzong hun nangah leh kumcinpawi ah ong ki hel un Topa phat khawmni,Topa tungah lungdam ko khawmni.FGATulsa pawlpi ah tulai tak in Zomi bek hilo,Kawl,Ka Chin,Kaya,Shan, Hakha,Falam, Spannish, mangkang…minam tuamtuam in suakta tak in Pasian ki phatziahziah hi.Topa’n apawlpi thupha ong pia semsem laita hen.

“Nang zong kum sagih cinpawi ah ong ki helthei ding onglam en ung”

FGA Tulsa