Malaysia, Sungai Buloh luisung ah alu aomlo misi luangnih kimukhia
Malaysia, Sungai Buloh vengsung aom luisung ah misi akipai luangnih kimukhia cih NST pan kiza hi. Tua misi luangnih tepen numei khatleh pasal khat hi a, Desa Coalfied geinai aom luisung panin aki mukhia ahihi.
Misi tepen anih in alu omlotuak, a ngawng kitankhiasa bekthamlo, akhut leh akhe anuailam zong akitansa in akipai cimawk a, cikziat huai mahmah hi.
Hihvai tawh kisai in palik thunei ahi District OCPD Supt Shafa’aton Abu Bakar in agenkhiatna ah khuasung mipi te’n luisung ah misi akipai amuhkhak uhciangin hong zasak hi ci’n genkhia hi.
Saturday nitaklam 4pm hunpawl in luisung ah misi akipai kimu ahih manin, hongki zasak a, aphual ah akidelh ciangin misi pen luangnihtak nahihi ci’n genkhia hi.
Tua misi luangnih te lakah khatpen numei hi in, adang khatpen pasal hi a, aki upmawhna ah tua misi tepen asihzawh kalnih valbang phakhin khading in ki ummawh hi ci’n thunei te’n genkhia uhhi.
Tua misi tepen akithat hi in, athatte’n alu, akhut leh akhe tankhia in, atuamtuak in apaih uh hiding hi. Alu, akhut leh akhe tepen Plastic Bag avom khattawh kituamcipsa in luigai khatah ki mukhia hi ci’n Police thunei te’n genkhia uhhi.
More: Kuala Lumpur luisung ah tum 6 kisuahsa in akimu numei luanghawm pen Bangladesh gammi kici
Tuaban ah Police te’n a upmawhna ah tua misi luangnih tepen munkhat ah aki thatkhawm hilo in, mun tuamtuak ah aki thahlupkhit ciangin anihin paihkhat in akipaikhawm hikhading ci uhhi.
Misiluang tepen Sungai Buloh Hospital ah sitcianna neiding, Postmortem bawlding in kipuaksak a, Sunday (January 27) ni in agil kheina kineiding ci uhhi. Sawltak #zomidaily
Comment piaknop aomleh...