Zomi – Zomi Nam – Zomi Nam Ni ~ JK Kam
1) ZOMI a om manin ZOMI NAM cih hong om a, tua minam teng ii ni pen ZOMI NAM NI ahi hi.
2) ZOMI ih hih manin ih ZOMI NAM pihte hong it sak a, tua in ZOMI NAM NI thupi takin hong bawl sak nuam hi.
3) ZOMI NAM NI Pawi bawl ding thupi mahmah a, pawi abawl a ZOMI NAM thupi zaw lai in, tua sangin a ZOMI thupi penpen hi.
4) ZOMI mimal khat leh khat ki-it thei lehang ih ZOMI NAM hong picing dinga, ih ZOMI NAM NI Pawi te hong thupi mahmah ding hi.
5) ZOMI NAM NI sangin ZOMI NAM it ding thupi zaw a, tua sangin ZOMI mimal ih ki-it ding thupi zaw lai hi.
@ A pawi sangin a pawi nei minam thupi zaw a, a pawi nei minam pen mimal vive a kigawm na tawh a piang pan ahih manin a mimal khatlekhat ki-it, kizop theih ding thupi masa pen hi.
@ Zomi Nam pawi le nite sangin Zomi Nam thupi sak masa zaw thei in, ih Zomi Nam sang zong ih Zomi Mimal ki-it ding thupi sak masa zaw thei hi le hang ih Zomi Nam Pawi tuamtuamte hong thupi in hong etlawm mahmah san ding hi.
@ A MI sangin a MINAM thupi sak masa zawin, a MINAM sangin zong a MINAM PAWI te ih thupi sak masa zawk manin ki kalsuan khawm theilo a, MINAM PAWI te ih bawl theihna in MINAM hang ahihna phawkin, tua MINAM pen MIMAL khat vive a kigawmna tawh apiang ahih lam phawk siamin MIMAL ki-it, kizop theih ding masak thei lehang ih MINAM a tawisang taktak ih suak ding hi.
@ A dawn pan a bul lamah leh tuak lozaw in, a bul pan a dawn sang lam ah kahto ni. Ih gei a om Zomi mimal pan panin Zomi Nam ah, tua pan vaihawmna a tuamtuamte Zogam – Kawlgam – Manggam, International dongah ZOMI kahlei dawh toto in abanbanin kahtoto lehang ih sungmang hoih mahmah teng hong tangtung thei ding hi.
ZOMI NAM NI sangin ZOMI NAM thupi masa zaw, ZOMI NAM sangin ZOMI (mimal) thupi masa zaw.
ZOMI NAM NI leh Ngeina pawite sangin ZOMI NAM it masak thei huai zaw, ZOMI NAM sangin ZOMI mimal it masak theih huai zaw. Pasian leh Minam itna sungah, JK Kam (ITNA LEIBA)
Comment piaknop aomleh...