Zomi leh 999 (Pupa’gamh or Free hold)

Zomi leh 999 (Pupa’gamh or Free hold)

Zomite’n ei le ei gam nei, i gam a thuneihna a nei, i inn i lo cihte ei’ neihsa sa hihang. I pu i pa’ lamsa gamh a luah kisa in, pawlkhat bang gamhluah vai tawh buai, sanggam unau nangawn kitawng kihua zo hi.

A taktak in I pu i pa’ tung pan i luah i gamh i gou himah hi. Ahih hang i phawkloh kal in midangte’n thu ong neihkhum in i gamh i gou teng ong laksak khin uh hi.

Ygn khua laizang leh Kawlgam mun tampi ah innmun logam pupa’ gamh ci in kum 999 neihkhuan a nei om hi. Zogam ah i innmunte kum 5 kum 10 bek neithei hang a, renew zel kul hi. Tua nangawn Kawl kumpi in deih leh ong pia nawnlo thei hi. Ei’ neihsa hilo, amau’ leitang tung a tawm vei ong omsak pak uh suak hi.

I theihloh kal in lai nabawl in, khat in min na thuh ziau a, Kum 999 neihtheih ding pupa’ gou le gamh teng ong laksak in kum 5 / 10 bek neihkhuan ong pia uh hi. Singhalh logam bel genna vet omlo, ei’ neihsa hi ngiatlo. Upadi a tuam in bawltawm liang uh a, “i gam a leisung leitung sumpiang khempeuh kumpi’ neihsa hi” ci ziau uh hi.

Gentehna – Gullu mual bang i buaipih hang, neihsa a hihna tawh buaipih theih omlo a, nasep zia ding deihlohna, kim le pam siatsakna ding patauhna/ deihlohna, amun a mual a om mite’ nuntak kivak leh lokhawh singpuak … etc cihbek tawh ki langpan, ki buaipih thei hi.

Tua i pu i pa’ gamh kum 999 i ngahkikna ding in khangthakte.. takkheh Zomi!….

Note: Zomite’n i lungngaih, i geel, i ngaihsut ding i Minam vai/Zomi vai a thupi pen hih hiding in ngaihsun ing. LST ah Pasian’ gam leh ama’ dikna zong masa in.. adang na khempeuh ong piathuah ding acih bangdan mah in Zomite’ minam vai ah 999 delh masa in, adang na khempeuh nang deihbang ong hilel ding hi.

Pau Khat Suan
Singapore