AirAsia Company aneipa ngiatin vanleng sungah nasem te huhin ninkhawm buambuam

AirAsia Company aneipa ngiatin vanleng sungah nasem te huhin ninkhawm buambuam

AirAsia Company aneipa pen Tony Fernandes ahihi. Malaysia gambup mihaupenpen te lakah khatin akihel ahihi. Ahauh mahmah hangin kiniamkhiat takin anasem tetawh kikhawlthei hi.

Atung a Photo pen Tony Fernandes ahihi. Zanni Wednesday ni in AirAsia vanleng sungah ninkhawm in akipei buambuam laitak hizen hi.

Khuttuam “Disposable Gloves” thuahin vanlengsung mipi lakah ninkhawm in anasem te huhzen hi. AsiaAsia Company ah ama nasem te zahtakna, lungdam kohna in amau sepbangbang in amahngiat inzong asem kici hi.

Vanleng sungah nin akhop laitak Cabin Crew khat ahi Audrey Petriny in Video Record nabawlsim in, Tony Fernandes in tua Video pen Post khia a, anuai abang in gelhkhia hi.

“Hahaha @audreypetriny filmed me secretly. As it was world’s cabin crew day and flight was full, decided to help out. Thank you to all my crew for all their hard work.”

Tony Fernandes pen tulaitak Indonesia gamsung ah aom laitak ahih manin, hih Video pen AirAsia Indonesia Flight tungah akizaih hiding in ki ummawh hi.

Nungdiak March khasung inzong Tony Fernandes in vanleng sungah inn aphiat laitak, Vacuum ahupsak laitak Video leh Photo kizaih in, Social Media tungah hongki thehzak hi. Amukha khempeuh in lamdangsa in, zahtak mahmah uhhi.

Leitung gamtuamtuam aom Customer Service apia khempeuh in “Customer First” cih hiden hi. Ahi zongin Tony Fernandes in agenkhiatna ah nasem tepen thupi masazaw hi. Nasem te lungkimsakleng tua alungkim nasemte’n Customers tezong lungkimsakzo panding uhhi cimawk hi.

“Employees come number one, customers come number two. If you have a happy workforce they’ll look after your customers anyway.” Tony Fernandes ii makaihzia pen “walk-around management style” kici a, nasem tetawh semkhawm hiathiatding cihpen ama nasepzia ahihi.

BBC te genkhiatna ah Tony Fernandes in anasem tetawh Department tuamtuam ah semkhawm hiathiatden ci uhhi. Amah ngiatin Airline ah sem ahih manin, tampitak zong nasemte tungpan in kasinkik cihi. 2010 kumin BBC te tungah agenkhiat pen thuthuk mahmah hi.

More: Pope Francis leh AirAsia Company neipa kimuhkhopna neita

Saihapak tausangdawn ah tu hithiat in sum bangzahlut cih Financial Reports bek ngakin na omleh na sumzonzia pen khialhna lianpi omkhading hi ci’n genkhia hi. “If you sit up in your ivory tower and just look at financial reports, you’re going to make some big mistakes.” Tony Fernandes pen amahleh amah hun awng ki ngahsak in, nasem tetawh kikhawlzel, nasep huhzel cimawk hi. ZD Sawltak #zomidaily