Yangon, Pazundaung Township sung aom lampi 15 te One-way in kilaihding

Yangon, Pazundaung Township sung aom lampi 15 te One-way in kilaihding

Myanmar, Yangon Pazundaung Township sung aom lamzikpi 15 te One-way in zatzawkding Yangon Region Government te’n geelna nei uh cih Coconuts News pan kizasawn hi. Tua lampi te One-way in laihtheih nadingin “Electricity, Industry, Transport” lamsang tawh kisai in Regional Minister asemlaitak ahi Daw Nilar Kyaw in Regional Parliament ahzong tangko khiakhinta cihi.

Minister te genkhiatna ah hihbang in lamzikpi te One-way in zattheih nadingpen YCDC’s Roads and Bridges Department, Township Development Committee, General Administration Department cihteng in hoihtak in Assessment abawl masak uh cihi.

Tuabang in Department leh Committee tuamtuamte’n etcianna Inspection aneihkhit uhciangin thukimna kinei a, Pazundaung Township sung aom lamzikpi 15 tepen One-way in ki zangzaw hileh mawtaw awkcip, Traffic Jam cihte phatuamding hi ci’n Daw Nilar Kyaw in Parliament ah genkhia hi.

Azenzen in hih lamzikpi 15 te One-way tawh akilaih khitciangin Traffic Jam apiansakzawk zenzenkhakleh laihkik, puahphat kiktheih nadingin Backup Plan zong akigingsa in kinei hi ci’n genbeh hi.

Pazundaung Township sung a One-way tawh akilaihding lamzikpi tepen 49th Street, 50th Street, 51st Street, 52nd Street, 53rd Street, 54th Street, 55th Street, 56th Street, Ye Kyaw Street, Zizawar Street, Dawna Street, Yuzana Street, Wutkyaung Street, Myaungkyi Street cihte ahihi.

More: Yangon khuapi pen leitung ah lungmuanna aomlo penpen anihna in ki ciamteh

Hih atung ateng pen lamzikpi akigawm in 14 hi a, adang khatpen bang lampi hiding cih ki tangkokhia nailo hi.

Tuaban ah hih lamzikpi te One-way in akilaih ciangin akisam tuamtuam, Traffic Sign cihte amunciat ah kisuang kawikawi ding hi ci’n Electricity, Industry, Transport Minister Daw Nilar Kyaw in genkhia hi. Sawltak #zomidaily