Refugee te nasepkhuan pia un ci’n UN makaipipa in gen

Refugee te nasepkhuan pia un ci’n UN makaipipa in gen

Malaysia UNHCR (United Nations High Commissioner for Refugees) ah tulaitak Representative makaipi asem ahi Richard Towle in Malaysia gamsung aom Refugee gambel mite na aseptheih nading Policy akibawl nading in hanthawn leuleu cih Malaysian Insider News pan kiza hi. Refugee gambel te naseptheihna phalna kipialeh gamsung buaina tuamtuam guktatna, ngongtatna Crime leh Illegal nasepte kiamtuamding cihzong ama muhzia genkhia hi.

National Level tawh Refugee te naseptheih nading in hoihtak Policy leh Strategy hongbawl le uhcin Malaysia kumpi leh International Organisation tawh ki kop in sepkhoptheih vaihawmtheih omding cihzong genkhia hi.

Tuaban ah Malaysia kumpi inzong mai kum 3 sungin Syrian Refugee te mi 3000 lading cih kiza hi. Tua hi a, Malaysia gamsung ah Refugee Population pen kiampak hetloding cih ki mukhol theiphial hi.

Tulaitak pen Malaysia gamsung aom Refugee tepen illegal immigrants cih tawh kumpi thukhun in amuhziauh hi a, tuabang in amuhna uh laihto in nuntak nading in nasep aneihtheih nading in phalna piak huai mahmahta cih Richard in limgen mahmah hi.

Tuaban in Malaysia kumpi in vaihawmna hongneileh Refugee leh Malaysia kumpi te kikal ah alangnih in phattuamna tampi omzawding cihi.

Nungdiak in UN General Assembly ahzong Malaysia Prime Minister Datuk Seri Najib Razak in Syrian Refugee mi 3000 alakding agenkhiat hunlai in Refugee Convention ahzong letmat thuhding ngaihsutna om cih ngenkhia hi. Ahi zongin tuateng ah letmat kathuh tektekloh uhhang in Refugee te adingin kaseptheih uh tampi mah omveve cihzong genkhia hi. Ahuihbek ahi zeltam gal et photmah hizel lodia mate…