Congo gamah tuilian hangin mi 50 asih banah mi 10,000 kiimin teennading neilo

Congo gamah tuilian hangin mi 50 asih banah mi 10,000 kiimin teennading neilo

Jan. 5, 2017: Democratic Republic of Congo (DRC) gam leitaw lamah guah nak zuk lua-in tuilian nasia lua ahih manin khuapi lian lua lote (towns) leh khuata tampi inn tuikhang in nawksiatsak khin ahih manin teenna ding nei lo mi 10,000 kiim om ta a, mi 50 in sih lawh khin zo ta hi. Tulian nasiatna pen Boma khua hi a, khuami ten ka it ka ngaih uh mi tampi tui in taimang khin zo hi ci-in Al Jazeera newste kiangah gen uh hi.

Makiadi Mvubu in ka tanute tui in taimang khin zo a, ka inn sungah lut dingin ka kithawi lai takin ka inn uh kicim in, tui in tai hi ci hi. DRC gamte khuapi Kinshasha panin km. 470 a om Boma khua pen nung kha panin guahpi hangin Kalamu lui-in nuai na kipan a, tui a ngeina sangin metres nih in sang luan zaw hi.

Boma khua panin Al Jazeera reporter Fahmida Miller in khuami ten a innkuanpihte uh tui-in a taihmangte luang zongzong lai uh a, lei (bridge) zong kisia a, tui in siluangte km. 35 gamla a om Angola gamah pawl khat tuah hi ci hi.

More: New York ah meileng tuahsia, Passenger mi 100 val liam

DRC gam pen leisung sumpiang (minerals/natural resources) tam mahmahna gam hi napi-in tualgal piang mun mahmah a, tua banah nekgukna nasia lua ahih manin leitunga gamte lak panin gam zawng pen pawl in kiciamteh a, milip 70 million tengte lak panin seh thum suah seh nih in nisim in sum $ 1.25 zong nei zo lo uh hi. Source: Al Jazeera News/ Thang Khan Lian