ZIUSA EC 2017 ~ 2019 Teeltheih ding Candidate ngetna

ZIUSA Pawlhuam Zomi Innkuan Kipawlna Makaite
Date : 05/13/2017
A thu : ZIUSA EC 2017 ~ 2019 Kitelna ah Teeltheihding Candidate ngetna

A zahtakhuai Mun tuamtuam pana Zomi Innkuan Makaipiteng aw, Akua mapeuh cidam leh i nisim mabanciat nuamtak azomthei kimdingin ong deihbawl ingh.

Tutung kong taangko dingthu ahihleh ZIUSA EC in 2017 ZIUSA EC thak kitelna ah kitelna vaiteng a makaihdingin Election Commission dinga ong sehna uhtawh kizui-in Kiteelpi vaitawh kisai a kisamte ngetna/ thu tangkona ong nei hi ungh.

Itheihsaciat mahbangin ahong tungding July 3, 2017 (Monday) niciangin ZIUSA EC 2017 ~ 2019 ah a mapang ding makaithak kitelna kineiding hi. hih kiteelna ah Zomi Innkuan USA ngeina dante tawh kizui in Zomi Innkuan kipawlna khat pan EC kiteelna a tuhding no kipawlna huamsungpan muanhuai nasakuh atampen mi 9 ciang kipuakthei hi.

Mi 9 peuhmah puakloh phamawh cihzong hituanlo hi. Minpuaknading tawh kisai a nunungpen June 15, 2017 (Thursday) niciang kisang ding hi. Azenzenin tulaitak no kipawlna pan na Taangmi uh ong kiheltheih keidingleh a ma taang’ a Vote piatheiding no kipawlna pan na muan khat uh kisehthei hi.

Azahtakhuai Makaipi teng aw Zomi sungah kipawlna lianpen leh mipi lunglutpen ahi Zomi Innkuan USA kipawlna in a beisa hun sungah minam leh gamvai ah nalian tampi kisemkhin leh ong pailaiding hunte ahzong sepding maban lianpi ki neitoto laiding ahihmanin hih kiteelna pen mipi teel cing palai Taangmi akua mapeuhin thupi sim in nong kihel kim na dingun itna leh zahtakna lianpitawh kongzawn uh hi.

Candidate List puak nading Email : [email protected] ah ongkhak un. Email dangpan ong kikhakte kisimsaklo ding hi.

2017 ZIUSA EC Kiteel Tanupawl (Election Commission)

• Sia Alh Khan Tuan : Chairman
• Pa Tual Sawm Lian : Secretary
• Pa Joseph Lian Bawi : Member
• Pa Pum Za Khai : Member
• Tg. Kai Lam Thang : Member

Zomi ading na mapanpih uh,

Election Commission teng taang’in
Pa Tual Sawm Lian
Secretary
Tulsa, OK
May 13, 2017