ZNC/ZCD Kum (31) cin thusuah

ZNC/ZCD Kum (31) cin thusuah

1) Zomi Congress for Democracy party Conference leh Tan X All Distinctions ngahte Pahtawina 23 October 2019 ni in CCJ Hall Tedim ah Mipi 1100 val kah in gualzo lawhcing tak in kibawl zo hi. ZCD Party Conference ading asum apaai thagui thatang tawh hong panpih khempeuh leh Biak Pasian tungah lungdamna thu kong pulak uhi.

2) Zomi Congress for Democracy party in Myanmar gamsung Kilemna ngah nading in lunggulhna takpi tawh nasep ding vaipuak anei diak Kipawlna khempeuh tungah kong hanthawn uhi.

3)2008 Constitution pello puah kik in Panglong Thukimna om bangin Federal Democracy bulphuh Union Gam piankhiat ding Zomi National Congress / ZCD party maban ki sem suak hi.

4)2020 kum Gambup Kitelpi ah Zomi Congress for Democracy party in Gualzawhna Lianpi ngah nading in Kitelna Vai leh Nasep ding ka ki gingkhin uhi.

5) Tupna kibat pih party te tawh Khut kilen in gamvai nasepna ah ma kipang khawm ding hi.

6) Zomi Congress for Democracy party in Zogam leh Zomite abucing khantohna ding ngimna omsa bang in ki sem zom suak ding hi.

Central Executive Committee Zomi Congress for Democracy (24 October 2019)