Portugal gamsung ah gammei kanggawp in mi 62 sikhin a, adangzong mi tampi liam cih CNN pan kiza hi. HIh gammeikang pen huaisia mahmah a, tunai gammeikang te laha ahuaisiapen “Greatest wilfire tragedy” in ki ciamteh hi.
Asi mi tamlua mahmah ahih manin, Portugal Government in ni 3 sung dah leh kahna hun “Mourning” in ciamteh in, pulakkhia uhhi.
Zanni Saturday ni in gammeikang akipan hi a, aliam bekbekzong mi 54 bang ki mukhiakhin hi. Tua aliam te lakah naupang khatleh Firefighters zong mi 8 kihel uhhi.
Firefighter te lakah mi 4 pen gimmahmah uh cih tuni Sunday ni in kiza hi.
Mi pawlkhatte pen gammeikang cih atheih uhciang mawtaw tawh tai uhhi. Ahi zongin pawlkhat pen a mawtaw tawh ami tawh kanggawp mawk uhhi.
Video: Dozens killed in central Portugal forest fires
Gammeikang pen Pedrogao Grande community ahzong kilawhto in, khuasung mite taikhiatloh phamawh mawk hi. Meiphelh Firefighter tezong buaimahmah uh a, Sunday nidongmah meiphelh in buaimahmah lai uhhi.
Kumpi thunei te’n gamsung meikang in anawkkhakna khuaneu khuata te a etciansan laitak hi a, misi pen ki behlap toto khatheiding cisawnsawn hi.
Related: Portugal gamah vanleng khat vandawn ah puakkham in kiasuk, mi 4 si ~ ZD
Firefighter leh Emergency Responders bekbek akigawm in mi 700 bangin meikuang phelhhuan cih kiza hi. Sawltak #zomidaily
Comment piaknop aomleh...