UNHCR uliante tawh ki hona pan pawlkhat
October 02, 2019 ni 10:00AM- 1:00PM kikal in UNHCR zum ah UNHCR Representative Thomas tawh kimuh khopna kinei thei in thu tampi tak kikupna kinei hi. UNHCR tawh nasep khop zia akipan in dotna dawnna tampi kinei thei hi. Tua te sung pan pawl khat hong hawm khia ung.
Dotna : Mithak lak ding (New Registration) tawh kisai in bang vaihawmna nong neih sak zo ding uh hiam?
Dawnna : Tu tadih in mithak sang ding vai (New Registration), Gambel mi taktak maw/hilo cih sittelna leh gam 3 na puak na tawh kisai in et phatna ka neih hun sung uh ahi hi. Hih et phatna ka neihna tungah zong lawhcing mahmah cih ka mu khia uh hi. Ahi zongin ka lam-etna zah un nasep ding te kimanglang hetlo hi. Bang hang hiam cih leh 2020 ah sep ding pawl khat zong gel kholhna kinei hi.
Dotna : UN zum ah vai dawpna tawh kisai in UNHCR zum pan in vaihawm ding na cih uh tuni dong kingah nailo hi. Tua vai pen bang ciang tungta hiam?
Dawnna : Tulai tak in tua vai pen a buaihuai na tampi tak om lai hi. Chin State pan hong tai gambel mite a ding bek hiloin Malaysia ah gambel in hong om khempeuh in baih takin a zat theih ding in a kibawl ahih manin vai hamsa tampi tak om lai hi. Ahi zongin vai baih mahmah zong pawl khat hong om hi. Gentehna: Innkuan lutpih te. Tua ban ah a gamlapi pan zum ah vai dawp dingin hong pai tautau kullo dingin a kigel ahihi. Nasep pawl khat te pen hanciam tak leh aman lang thei pen ding in ka sep laitak uh hi hi.
Gentehna: UN card renewal te tawh kisai in a manlang pen in pai dan pawl khat khel theih ding ka hanciam laitak uh ahihi. Hih vai in zong pawl khat kisamsam ta a, tua sung pan mi 300 val bang contact kingah lo hi. Tua ahih manin kipawlna makai te in zong na mite tungah ah phone no. a khel te in amanlang in Phone no. update piak nang zong na gen sak tangtang un. Min sanna thak vai tawh kisai in pen ka gen sa mah bangin a vai teng ka kancian laitak uh ahi hi.
Dotna: Tulai tak kimat kihen zong tam mahmah in ka mite uh kiman in kawlgam hong kipuak sak zong tam mahmah hi. Tua ahih manin UNHCR in min sanna nong neih na ding uh hong gen den hi ung. Bang ci ciangin nong ngaihsut sak thei ding uh hiam?
Dawnna : Hih UNHCR ciamtehna leh kimat vai tawh kisai in tampi i kigen ngei khin hi. Tulaitak in bangmah tawi loin UNHCR minsanna ngak in om mi tampi tak om hi. Hih vai bang cih leng hoih ding hiam ci-in ka hanciam mahmah laitak uh ahihi. Hih vai teng a ding a hoih pen in minsanna thak piak ding hi a, tua ding zong ngaihsut kawm in ka vaihawmhawm laitak uh hi a, bang hun ah hi ding cih pen kigen thei lo hi. Minsanna thak hong om leh zong minam kideidan na omlo in minam khempeuh a huam ahi ding in kivai hawm ding hi.
Kimat vai ah pen a dah huai mahmah thu in hih kumpi te in deidan na hong nei in mivom te (Rakhine lam pan hong tai) ahih leh ol takin ki la khia kik thei a, tua lo te peuh mah pen kumpi te khut sung pan i lakkhiat ding hamsa mahmah hi. Tua tawh kizui in kumpi thunei te tawh zong tam vei pi kimu in UN in ciamtehna a piaksa te a mat loh na ding a kipan thu tampi kikum khin ung. Ahi zong in kumpi thunei te lampan zong hamsatna tampi om in tuni dong bangmah thu kiciantakin kigen thei nailo hi. Ahi zong a sawt loin thu hoih hong lam dingin i lam en hi.
Dotna : Tulaitak kumpi te vaihawm na tawh B4G ci-in gam ah ciah kik theih na sungah UN card nei te ciah theih na ding zong kihel hi. Hih vai ah UNHCR zum leh Kumpi te kikal ah bang zah in ki thukimna om hiam cih thei nuam ung?
Dawnna : Hih tawh kisai pen ko kihelna leh vaihawmna om kilkel lo hi. Ahi zong kumpi in UN neite pongman 700 pan in 100 hong khiam suk uh hi. Gambel mi a ciah nuam te a dingin sum lam tampi hong nuamtuam pah hi. Ahi zongin UNHCR in hih vai ah bangmah kihelna, panpihna cih om lo hi. Ahi zongin UNHCR in Policy Change a bawlna sungah ei ma lungsim kizawhna tawh i gam ah ciah kik theihna cih zong a kigel ahi hi.
Ahi zongin agam ah ciah kik ding lem tang takpi maw/ lemnailo maw cih thu kantel ding tampi om hi. Gambel mi khat in a ma lungsim kizawhna tawh ciah nuam takpi ahih leh zong UNHCR pan in piang thei takpi ding maw? UNHCR in panpih thei ding maw? Bang ci dan lampi tawh panpih ding cih hoih tak kikup phot kul lai ding hi.
Dotna : 2013 in UN lut mi 16000 bang a card uh ki laksak kik hi. Hih te vai bangci vaihawmna hong neihsak thei ding na hi hiam?
Dawnna : Mi hih zah tak a card ki laksak cih thei kha kei ing. Kei upmawhna ah mi tawm khat bek dingin a um mawh hi ing. Mi tampi tawh a kisai thu khat ahih manin hoih takin en phat ding kisam hi. Tua ban ah makai te in zong na mite uh na gen cian unla, gam 3 na lam bek lungsim ah koih loin hih I omna gam ah zong a hoih pen in om theih ding hanciam ding thupi hi. America te in zong gambel mi a sap pen hong tawm mahmah ta hi. Mailam ah hih gam kumpi te in zong nasep theih ding phalna hong neih hun ciangin nasep mun hoih I ngah theih ding tupan kiging kholh ding hoih pen hi.
2019 ZSM LAIBU KINGAH TA HI
Malaysia zomi Genvai Kipawlna (ZSM) 2020 ading ki lut thei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dong tuak I mipihte a panpih, a dah akap hun ah a khitui anulsak na hi gige hi. Hih ZSM ah member na lutna in nang a ding a pia na hikei a, panpihna akisamte apanpihna hizaw hi. 2019 sungin zong tu ciangciang Zomi pih te luang (23) bang lei ah I tuh theihna in nang leh kei I pankhopna ahih bang mahin mailam ah zong mapang khawm lai dingin zong kong zawn phapha uhhi.
ZSM KUM (10) CIN FUTSAL KIDEMNA OM DING
Zomi Social Welfare of Malaysia (ZSM) pen 2009 kum in Malaysia leitang tungah Zomite I sih ciang luang ki phamna dingin Pawlpi siate, Khua makai te tawh a kipan khia hi a, tuni ciangin kum (10) hong cingto ta ahi hi.
Hih kum (10) sungin I sanggamte luang 282 bang ki pham khin a, ZSM om ma in I kaihkhop theih teng tawhgawm leng Malaysia leitang tungah tuni ciangciang Zomite 326 bangin hong liamsan ta uh hi.
Hih kum (10) sungin hong nusia I sanggam te I phawkna in ZSM kum (10) cin Futsal kidemna November 10, 2019 ni-in kinei ding hi. Hih hun sungah hong nusia sa I sanggam te phawkna hun khat zong kibawl ding hi.
A lutnuam te in a nunung pen November 04, 2019 ah min sazian nong piak hamtang na ding uh zong I ki za sak hi.
ZAM ZUM AH HONG HAWH
19 October 2019 (Saturday) ni-in Thaigam pan in Confer -ence ah thugenpi dingin hong zin ahi Dr. Cynthia Muang leh a lawmte ZAM zum ah hong pha thei uh hi. Hih kimuh khop hun sungin mailam ah kalsuan zia ding, koi bang mun teng ah sem khawm thei ding cih tampi tak holimna kinei thei hi. Dr. Cynthia Maung pen Karen Minam sungpan Medical Doctor khat hi in Mae Tao Clinic nei hi.
Mea Tao Clinic tawh Thai leh Kawlgam gamgi dung a galtaite leh nasem refugee te akhong in a huhna kum 30 bang paita hi. Zatui sai hong Clinic a cih hang in Training na Innpi dan zong hi. Back Pack ci-in kha 6 akhong in ama kiang ah kikah thei hi. Tua man leng a step step in kikah toto thei lai hi.
Tua bek thamloin Siapi nu in Kawlgam ah kilemna aom theih nang in na tampi tak sem hi. Human Rights tawh kisai peace tawh kisai na tampi tak sem ahih man in Leitung bup theihpih Pahtawina Award tampi ngah hi.
LUCKY DRAW A NGAH TE IN HONG LA UN
Khuado pawi fund zon na I bawl ahi Lucky draw pan mee a ngah khia no. te anuai a bang hi. Hih a ngahte in na mee laidal uh tawh ZAM zum ah aman langin nong lak na ding uh hong zasak ung.
- 1. 0313 – Iphone 6S Plus 2.1658 – Computer
- 3. 1304 – Guitar 4. 0321 – Air Sopha Chair
- 5. 1595 – Rice Cooker 6. 0561 – MP 3 Player
- 7. 1547 – Electric Kettle 8. 1565 – Hair Dayer
- 9. 1061 – OTG Pendrive 10.0410 -Power Bank
PILVANG TAK IN OM SAWM NI
Tuhun laitakin kimat kihen hong tam mahmah a, Malays -ia kumpite in a gamsungah phalnalo tawh om mi tampi tak siangsak nuam ahih manin kimat kihenna hong tam to semsem ding hi ci gen khia khin uh hi. Mun tampi ah Oparasi lut kawikawi ahih manin I omna ciat ah kidawm tak, pilvang tak in om ding hanciam ni. A thukin lua mah mah ahih kei leh vakvak kei zaw ni.
Na sepna ah thunei te in sitna khat hong neih leh kei pen UNHCR ah gambel in hong san ding ngak in a om hi ing/UNHCR card tawi gambelmi ka hi hi. Ka nuntak nading hih teng ah part time tawh na a sem pak hi ing ci-in I gen theih ding thupi ding hi. Malaysia om Zomipih a kuamaciat I omna gam huihnun zia tawh kizui in kidawm ciatni cih hong zasak phapha ung. A zenzen in kimat kihenna khat natuak leh ZAM zum ah hong zasak pah in. Nang ading in a ready sa in om den uh hi.
UNHCR ZUM KIKHAK DING
October 28, 2019 (Monday) ni pen Deepavali (Observ -ed=Ani tangin khak kik) hi aa, tua ni in UNHCR zumpi kikhak ding hi. October 29, 2019 (Tuesday) ni pan in a ngeina om bang mah in kihong kik ding hi.
TUKAL ZATO LAM BUAIPIH
- 1. Hang Lian Mung (Tonzang) ACTS ah kibuai pih
- 2. Thang Deih Mung (Thalmual) University Zatopi ah kibuaipih
- 3. Aung Min (Kale Myo) Kajang zatopi ah kibuaipih
- 4. Deih Sang (Kawlpi) Sungai Buloh zato ah kibuaipih
- 5. Lian Nun Sang (Faltang) Klang Zatopi ah kibuaipih
- 6. Thang Sian Tuang (Thangzang) ACTS ah kibuaipih
ZATO LAM TAWH KISAI
Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957
TUKAL SUNG THONG LAM BUAIPIH TENG
- 1. Pau Sian Khai (Haiciin) Sungai Buloh thong ah kimuh pih thei
- 2. Nung Lam Sing (Laaitui) Kajang thong ah kimuh pih thei.
- 3. Thang Suan Khual (New Darkhai) Sentul Palik zum pan kila khia thei
- 4. Dal Khan Kim (Munlai) PJ palik zum pan kila khia thei
KIMAT KIHEN NA TUAK LEH
Zomite sungah kimat kihen natuak zenzen leh hih phone no. te ah na hopih pah in. Nang adingin atawn tungin kigingsain om den uh hi.
- Sia Tuang Pu : 016 254 4093
- Sia Zo Mung : 017 663 6087
- Sia Maa Mang : 018 231 1365
- ZAM Hotline : 016 293 9027
ZOMI TE ADING NASEP
Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite ading man ngenloin nasep kizon sak den hi. Contact – Sia Mamang – 018 231 1365
WELCOME TO ZAM
Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang in thapiakna leh idea tuamtuam piakna nong neih nadingun kong zawn phapha uhhi.
ZAM ZUM KIKHAK DING
October 28, 2019 (Monday) ni-in ZAM zum kikhak ding hi. October 29, 2019 ni pan in a ngeina om mah bangin kihong kik ding hi.
ZAM ZUM AH KILEI THEI
ZAM zumpi ah I ngeina van tuamtuam ahi Zopuan Design tuamtuam, Zoniik Design tuamtuam, Puanten, Puandum, Zodial(Silk), Puanlaisan, Zokhi, Tanghciin, Khephiau, Zolukhu, Zothungkuah, Zodial cihte akipan naupang puan tuamtuamte deih zahzah kilei thei hi. Tua bek loin khui tuamtuam leh a nuai a laibu tuamtuam zong kilei thei hi.
- 1. English -Zomi Dictionary RM-50
- 2. Zolai simbu (Tanlang -Tan 4) RM-30
- 3. Galhiam labu RM-30
- 4. Leitung Mi thupi te tangthu RM-20
- 5. Christian Labu RM-30
- 6. Gual tawh Tan bang kim RM-25
- 7. Nisim tongdam RM-30
Comment piaknop aomleh...