Zomi Community Development Center (ZCDC) Leitang vai ~ 13 September

Zomi Community Development Center (ZCDC) Leitang vai ~ 13 September

2006 ZOFA ngimna pan aki phungvuh, GZA gambup khawmpi a 1 veina – 2011 Agape AG (AMC) Biakinn pan hanciam masak ding a kithukim ban ah Leitungbup Zomite Khawmpi (Kuala Lampur, Malaysia) ZIC KL – 2019 in Zomi makaite theihpihna tawh Zomite tam tenpenna khuakhat ahi Kalaymyo ah Zomite a bukim khantohna ding phualpi munding leitang acres 10 neih khiat zawh nading hanciamna maban kizom toto hi.

Hih Leitang acres 10 ngah khiat zawh nading ZYA in vaipuak kilen in, Zomi Community Development Center (ZCDC) “Zomite a bukim khantohna phualpi” cih ding in ZYA International Consultant Rev Pau Khan Khai in thusunna hong neihna tawh ki zui in makaite khempeuh in hoih kisa in kikip sak hi.

ZCDC Leitang Acres 10 nei khiat nopna Ngimna bulpi/ Lunggulhna bulpite

• Zomite neih ngeina vante kepna museum geelkhia ding.
• Khangthak Zomite khutsiamna tuamtuam kipattahna phualpi geelkhia ding.
• Khangham pilepu te lungnopna phualpi ahi ding in geelkhia ding.
• Kalaymyo huamsung ah Zomite in gamvai, minam vai, biakna vai, pawi tuamtuam a zattheih ding hall pi khat geelkhia ding.
• Khangno te Bawlung tawh kilawmtat theih nading football field khat geelkhia ding.
• Tennis Court, Volley Ball Court le Cidamna ading exercise lakna tuamtuam gelkhia ding.
• Library (Laibu Saal) lianpi gelkhia ding.
• Numei naupangte kimawlna ding paakhuan gelkhia ding.

NGIMNA TANGTUN NADING KALSUANNA

Kyats 100,000/- pen Bek 1 in ki gelkhia a Zomibup sungpan Bek 1 piakhia zoding mi 3000 om hileng Kalaymyo huam sungah ZCDC leitang Acres 10 neikhia zoding hihang. Tua pen sep masak ding hi a lunggulhna a tangtun theih nading in 2019 November kha pan kipan in Leitungbup Zomite muhtheih ding in online media tuamtuam ah kikhah khia hi.

Kisialh nopna / mindeihna cih lam hilo in Kyats 100,000/- (Bek 1) pan atungsiah hong kihel mimal, pawlpi le kipawlna minte hoihtak kiciamteh in, ZCDC leitang tungah mualsuang hoihtak kibawl ding a, khantawn a mang ngei nawnlo dingin kigelh ding hi.

Dowaichaung veng ah Mizo innkuan khat neihsa leitang acres 10 pen ZCDC Leitang ading kikham khol hi. Leitang acres 10 pen Kyats Tein 1500 sa uh ahih manin Pasian muanna le Zomibup muanna in aki la phot hi. Kyats Tein 600 sazan piak kulpah ahih manin April kha ciang ah fund ngahsa Kyats Tein 350 le committee pan makai mi 3te in Tein 250 kisaih in sazan kipia phot ahi hi.

ZCDC Project lunggulhna lim tawh hong khah khawm ung. Thaman lalo a ettheih ding a hong suaihsak Engineer Lucas Tuang tung zong lungdam mahmah na ih pulak hi. Hih ZCDC Project pen long term project ding hi in, Kum sim namkhat ta hanciam toto a sepding gelkholhna limlahna ahi hi.

MAPANKHOP DING HUHNGETNA

Leitang man kisam lai Tein 900 + makai 3 te saih Tein 250 pen 2020 October kha bei a piakzawh kei le thukim na lai ombang in sum piaksa teng 600 zong kisum ding cih ahih manin makai lampan Leitungbup Zomite muanna tawh thu kingen in aki hanciam mahmah laitak ahi hi. Zomibup akua mapeuh in Thungetna mahmah tawh ahi zongin sumtang mahmah tawh ahi zongin October 31, 2020 ma leiba teng lohzo in Zomite Khang sawnsawn dong a kimang ding hih ZCDC Leitang leina ah hong kihel nailo mimal, pawlpi le kipawlna tuamtuam pan ih hihtheih zahzah tawh mapankhop tohtoh ding a kizawn ihi hi.

ZCDC leitang tawh kisai gamsung / gampua pan huhna pianuamte in a nuaia makaite tawh kizom in October 31, 2020 maciang huhna kipia thei ding hi.

• USA gam huam sung ZNTV tanute tung Pu Sawm Lian 0017162285071
• Australia huam sung ZYA Melbourne makai Pu David Ngalliam tung 0061416923229
• New Zealand huam sung Pa Thang Suan Khai Zomi innkuan Makai tung 0064221083647
• Norway huam sung Zomi Innkuan Norway makaipi Pu Johan Cin tung 004740168704
• Malaysia huam sung ZAM makaipi Pa Khuppi tung 0060163838014
• Sweden huam sung Pa Thang Zomi (Hatzaw) tung 0046722195484
• Singapore huam sung ZIS makai Pu Khawmlay tung 006590051422
• Japan huam sung Zomi Christian Church makai tung [email protected]
• Philippine huam sung Zomi Innkuan makaite tung
• Korea huam sung Zomi Christian Fellowship makaite tung
• England huam sung Zomi Innkuan makaite tung
• India huam sung ZYA India HQ President Pa Lian Za Lal tung 00918730818554
• Kawlgam huam sung ZYA HQ makaipi a nuaia te tung
• Pa Kam Suan Mung (President) 09400311770
• Pa Vungh Za Khup (Vice President I) 09400307712
• Pa En Khan Go (Vice President II) 09400307957
• Sia Kham Do Dal (General Secretary) 09258360465
• Sia Kham Sian Pau (Asst Secretary I) 09770259021
• Pa Vial Khan Do (Asst Secretary II) 09400464982
• Pa Khan Za Nang (Treasurer) 09259175730
• Sia Thawn Za Tuang (Asst Treasurer) 09400458024
• Pa Cin Do Thang @ ACin (Auditor I) 09250528976
• Pa Thawng Khat Thawn (Auditor II) 09256189432
• Nu Vung Sian Nuam (Accountant) 09253589783

Kam Suan Mung (President, ZYA HQ, Kalaymyo0 Phone number: 09400311770