2010 August 17 ma UNHCR card ngahte thei ding
2010 August 17 ma UNHCR Card ngahsa Zomi akua mapeuh Card ngah khitzawh bang mah sapna a ngah nailo te 2015 December 31 ma limlim in UNHCR ah zasak hamtang in. Vai dang tuamtuam hang a hong samlo ahih kei nak leh zasak hamtang in. Na zaksak kei a leh gam thumna pai nuamlo hongsa ding a na vai pen P2 panin P1 ah hong koihsak ding hi. UNHCR ah zaksak ding dan atheilote ZAM zumpi ah hong pai un hong ki panpih ding hi.
P1 leh P2 tungtawn a USA tungthei dingte
P1 tungtawn a tungthei dingte
17 August 2010 khit UNHCR card ngahte,
17 August 2010 ma UNHCR card ngah hinapin na lutcil lai in na zi/pasal, tate leh nu le pa innkuan sazian sung a guang khalo te,
17 August 2010 ma UNHCR card ngah hinapin 17 August 2010 khit zawh UNHCR card ngahsa tawh ki tengte leh UNHCR card ngah nailo te tawh ki tengte.
P2 tungtawn a tungthei dingte
17 August 2010 ma UNHCR card ngahte,
17 August 2010 ma UNHCR card ngahte na lutcil lai in na zi/pasal, tate leh nu le pa innkuan sazian sung a guang khinsa te,
17 August 2010 ma UNHCR card ngahsa Malaysia ah tanu/tapa nei te.
Status Verification Process (SVP) phi kha ding leh philo dingte khentelna
Na tawi UNHCR card nung a lai kigelh te en in:
Laigual masa pen gual 4 aphak a leh SVP phi kha ding,
Laigual masa pen gual 3 aphak a leh SVP phi kul nawn lo hi.
[Ahi zongin, na ki tuaipihte tawh zong kisai hi. Gentehna in, na ki tuaipihte in 13C, 14C, 15C ngah hi ding in, tuate tawi UNHCR card nung ah laigual masa pen gual 4 aphak a leh SVP phi kha ding hi.
Asylum Seeker Card leh RST
Asylum Seeker card tawi peuhmah Dinmun Velcianna (SVP) interview om ding a, tua pan hong sanzawh leh RSD interview thei pan ding hi. RSD interview pan hong sanzawh leh RST interview na om to pan ding hi.
RSC Interview paizia (azom)
A beisa omna leh nasep vaite hong dotzia khat
RSC zumpi-in a vaihawm zia zong hi-in cin, a beisa tuma kum (5) sung aa ih omnate a hunhun, a munmun danin hong dong sitset hi. (Tua kum 5 ma zong a kisapna zui-in kidong hi cih theihhuai hi.) Hih a beisa kum (5) sung vai pen kamlet sia/nute-in zong theikha in cin, theinuam pongin officer nu ka dot leh, hizah ciang mah dong ungh, cihkhat bekin hong dawng aa, ih theihding ah RSC zumpi ii vaihawm zia cihding hiziau hi. Tuamah bangin kigin’na neihding hipah mai hi.
A beisa kum (5) sung cihtak teh, 2015 March kha sung aa hong kidong bang pen, dotna ah January 1, 2010 pan hong panpah hi. Tukum 2015 sung limlim aa interview lut khempeuh January 1, 2010 panin dotna pan ngelding hi.
Theihding: Hih dotnate ciang pen (a vaihawm zia aki banggai ahih nak leh) ih gensa danin kamlet sia/nu tawh kidotna leh kidawnna hun sungah hilai hi. Aman hong dongin, ih dawnnate a laidal/form tungah khum suksuk hi. Cihnopna ah, ulian/officer te tawh hinailo hi.
Zopzop lai ding…
Zomi khat ii RSC interview lutna pan alut nailote kigin kholh theih ding deihsakna tawh hopsawnna hibek hi.
Zaksakna
Tukal Sani leh Nipi ni USA Embassy leh Australia’s te in Jalan Alor leh Bukit Bintang kimtengah IS te omna zonsawm uh ahih manin ahih theih leh tua kim vakloh ding hoihpen hi. Source : The Sun Daily
Zolia & Zotaang 2015 pahtawina piakzia ding
Zolia 2015, Zolia anihna, Zolia athumna :(Trophy, Crown, Sash, Bouquet pak hing) cihte ki piading hi.
Zotaang 2015, Zotaang anihna, Zotaang athumna :(Trophy, Sash, Bouquet pak hing) cihte ki piading hi.
Zolia & Zotaang kihel khempeuh pahtawina trophy leh Certificate kipia ding hi.
Zolia & Zotaang kihel khempeuh i man (photos) hih link ah https://www.facebook.com/zomidaily ki en thei hi.
Zomi Bup Tatsatlo Lungdamkohna leh Thunget a (3) veina (3 September – 3 October 2015)
Thungen dingte khempeuh in Thungetna ding outline kibawlsa zui in kingen ding ahih manin a ngahkha nailo ten ZAM zumah hongla un. Kizopna ding 016 995 6231. Maikal sung ading anuai a bangin kizomsuak ding hi.
No. | Date | Thunget hun | Pawlpi / Personal | Leader / Pastor | Contact No. | Hours |
39 | 28/9/’15 (Mon) | 00:00am-12:00pm | ZCF Banting | Sia Zam Khai | 011-11358 075 | 24hrs. |
40 | 29/9/’15 (Tue) | 00:00am-12:00pm | Sentosa Zomi Innkuan | Rev. Suan Sian Pau | 012-2636 330 | 24hrs. |
41 | 30/9/’15 (Wed) | 00:00am-12:00pm | ZCF Dengkil | Sia Bawia | 010-2380 349 | 24hrs. |
42 | 1/10/’15 (Thu) | 00:00am-12:00pm | Harvest Chin Christian Fellowship | Sia Mang | 017-6554 902 | 24hrs. |
43 | 2/10/’15 (Fri) | 00:00am-12:00pm | Zion Myanmar Christian Fellowship | Sia Thangsen | 011-2123 1391 | 24hrs. |
44 | 3/10/’15 (Sat) | 10:00am-12:00am | Combine at ZAM Hall (Closing) | Sia Kam Mung | 016-9956231 | 2hrs. |
Khuado Pawi ading mapan khopna apiasa teng
2014 Khuado Sumcian 777
Mimal kiang pan
Go Suan Mung (Haupi-Kawlpi) 50
Nung Sian Khai (Zozaang) 20
Pau Do Tuang (Tuisau) 100
Khua kipawlna leh mimal kiang pan
Phunom Khua Kipawlna 100
Tualzang Innkuan Malaysia 100
Suanghoih Khua Kipawlna (SNO) 200
Anlangh Khua Kipawlna 200
Ngalzang Innkuan Malaysia 100
Tuimang Khua Kipawlna 200
Tuilangh Khua Kipawlna 100
Bapi Khua Kipawlna 100
Saipimual Khua Kipawlna 100
Chantagyi Khua Kipawlna 100
Lalta Khua Kipawlna 100
Tuimui Khua Kipawlna 100
Darkhai Unau Malaysia 100
Lailo Khua Kipawlna 350
Buanli Khua Kipawlna 100
Malaysia Tungzang Innkuan (MTI) 220
Cingpikot/Keeizang Khua Kipawlna 150
Keltal Khua Kipawlna 100
Tuithang Khua Kipawlna 200
Tuizaang Khua Kipawlna 100
Selbung Khua Kipawlna 100
Mualpi Khua Kipawlna 100
Lezaang Khua Kipawlna 150
Dakdung Khua Kipawlna 100
Malaysia Muizawl Innkuan 100
Thangkai Suangpi Kipawlna 100
Laaitui Khua Kipawlna 200
Kansau Khua Kipawlna 100
Tanzang Khua Kipawlna 100
Dimlo Khua Kipawlna 100
Laibung Khua Kipawlna 100
Suangsang Khua Kipawlna 100
Vangteh Khua Kipawlna 150
Mualzang Khua Kipawlna 100
Ngalbual Khua Kipawlna 100
Phaiza Khua Kipawlna 200
Pawlpi pan
Zomi Catholic Community Malaysia (ZCCM) 200
Evangelical Baptist Church (KL-EBC) 200
Manna Zomi Christian Church (MZCC) 200
Shalom Christian Fellowship (Kota Damansara) 100
Malaysia Laipian Pasian Pawlpi (MLPP) 200
Zion UPC 200
Zomi Adventist Church (ZAC) 200
Tukaal sung ZAM palaai te buaipih diak teng
Kiman buaipih leh buaipih lai teng:
Lang Sian Mung (Kapteel) lengeng Camp ah,
Nang Lam Cin (Kapteel) Malaka Camp ah,
Thang Muan Sing (Tuithang) Semenyih Camp ah,
Thang Sian Dong (Suangzang) Camp pan kiciahsak,
Do Kim Sing (Suangzang) Camp pan kiciahsak,
Hau Thawn Khai (Tuithang) Camp pan kicaihsak,
Thang Neih Pau (Phaiza) Camp pan kiciahsak,
Thang Suan Kap (Munlai) a ciahna ding matpongtin kisam, Zum ah ong zasak un,
Ngo Khan Tuang (Singzung) malaka Camp ah,
Zam Sian Khai (Tuivial) Camp pan kiciahsak,
Dong Khan Khai (Phai) Camp pan ki ciahsak thei hi.
Hehpihna tawh hong kanpih un
Saipimual khuami Tg. Hau Sian Khai, a thongkiatna mun a theikha na om uh leh hih Ph. No. 016 272 4384/ZAM zumpi ah hehpihna tawh hong zasak un.
ZAM Hall ki kawmthei
ZAM Hall pen Session khat (nai 4 sung) RM200 kila ding a, nai 4 khitciang zatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter etc…
ZAM ah ngeina puan leh vante hong tungthak
Khuado a ding ZAM zumpi ah ih ngeina Zopuan hoih nono hong tungthak hi. Aki ngahthei van te: Zopuan: a bantawng leh bansau (pasal), Zoniik nam tuamtuam, Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial atuamtuam kingah ziahziah thei ta hi.
Puankhui set kikawm thei
Puankhui set kawm nuam na om uh leh ZAM zumpi ah ki dong thei hi. Kizopna ding : Cii Cing 0111 2828 482
Insurance ki lei ziahzaih
September 25 ni-in ZAM Hall ah Insurance leithak leh tettantu mimal 86 bang om uh hi.
Zaksakna
Lasiam TL Mungbawi lakhui (DVD) thak Vanglian Aw (Vanglian Sisan – Vol:3) ZAM zumpi ah kilei thei ta hi.
Zomi Card tawite ading nasep
Texas Chicken a sem ding Bandar Wangsa Maju ah pasal 2, Festival City Mall Setapak ah numei 4 le pasal 2, Jalan Meru, Kelang ah pasal 2 le numei 1, PJ New Town ah pasal 4 ki deih lai hi. Omna pialo vive hi.
Kizopna ding ‘ 012 367 4665
Lungdamkohna
Dongh Sian Lian (Mualbeem) te innkuan in Thupuak bawlna ding RM20 hong pia ahih manin ki lungdam mahmah hi.
ZAM nasepnate tha napiaknop leh lungdamtak in hong kisang ding hi.
Zomi League Result te PDF File sungah kiciantak in ki enthei dinghi.
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.
Comment piaknop aomleh...