India naupang lugolgawp khat aki atsaksawm laitak in sicitciat

India naupang lugolgawp khat aki atsaksawm laitak in sicitciat

India gamsung ah numei naupangno khat natna atuamdiak khat ngahkha in alu golgawp hi. Alu pen midang te ii alu ngeina sangin azah thumval bang golzawmawk ahih manin leitung media tuamtuam inzong International Headlines ah suaksak uhhi.

Hih naupang ii alu vaitawh kisai in ki atsakding, Surgery hoihtak bawlsakding ci’n siavuan te akithawithawi laitak, Operation bawlding ninih akisap in naupangno pen si citciat cih AFP in genkhia hi.

Tua naupangno ii amin pen Roona Begum kici hi. Northeast India khuaneu aomna innah Sunday ni in anuntakna beita hi ci’n a innkuah pihte’n genkhia uhhi.

Roona Begum pen aci adamlel in akituak hi a, ahi zongin nung Sunday ni in nak hamsa hongsa hi. Anu inzong apa innah amanlang in hongciah in ci’n phone tawh galsappah hi.

Apa zong avakna panin amanlang in ciahin atanu pen tuipia hi. Hospital khatah puakding in akithawi laitak un atanu in anunna beisan ziau hi.

Roona Begum pen kum 5 bang phakhinta hi. Asuahcil akipan Hydrocephalus natna namkhat hangtawh akhuak sungah tui kidimin alupen golgawp citciat hi.

More: India ah numeikhat naubu “Uterus” neilo ahih manin, anu in ama naubu pia

Hih alamdang anatna hangin alu golgawp a, hoihtak inzong tutheilo in lumcip zawdenmai hi. Fortis Hospital ah tamveipi Surgery kibawl himahleh alu tawm kiamtuam cihciangbek hi a, hoihsuak theilo kici hi. Sawltak #zomidaily