Dr. Mercy Man Khan Niang phawkna hun bawlna ding zaksakna

Zomi bup in ih it mahmah Pasian nasem nu, minam ading mapang nu azahtak huai Dr. Mercy Man Khan Niang in a tenna Atlanta, GA, USA panin hongnusia hi cih thu ih zakciangin amunmun panin amah ih itna, ih phawkna te hangin thanem in ih dah mahmah hi.

Dr. Mercy Man Khan Niang pen Pasian nasem cih bek hilo a, Malaysia Zomi te kipawlna zumpi Zomi Association of Malaysia (ZAM) ah 2009-2011 kumsung kipum piakin nasem a, Zomi Women Organization (ZWO) ah President munlen in mipih te ading nakpi in nasem khat ahih na tawh kizui in adiakin Malaysia Zomi bup in ih mitkha ah mang theilo in ih phawk a, ih dah mahmah hi. Tua hi a, anuai a hungelna zui-in makai nu phawkna hun kinei ding ahih manin Malaysia gamsung aom Zomi khempeuh tungah kong zasak uhhi.

A zenzen in, hun ngahlo pai manlo in phawkna/sihgalna a pia nuam khempeuh te adingin zong counter kihong ding a na veng, na pam, na pawlpi te, na siapa/nu, na khua makai pa tungah kikhak sawn thei ding a, kingah zahzah ZAM zumpi panin USA ah kikhak ding hi.

Hehnep hunbawlna

Ani : 13 September 2014 (Saturday)
Ahun : 3pm – 5pm
Amun : ZAM Hall

Hun gelna:

Hun uk : Kam Lian Mung (ZSM President)
Usher/Counter : Pa Gin Khua Thawng (ZAM Advisor)
Hun ap thungen : Rev. Gin Do Khup (Pastor ZCF-Kota Damansara)
ZAM pan thugenna : Hau Suan Khai (ZAM President)
Khua kipawna pan thugenna :
Hehnep thugen : Rev. Thawng Ngaih Khup (Pastor Zion UPC)
Innteek thungetsak na : Rev. Dr. Cin Sian Pau (Pastor ZAC, ZCMC President)
Hunkhak thungen : Rev. Thang Do Khen (Pastor ZCF-Canaan)

Dotnop tuamtuam omleh: 016-9956 231
ZAM iNFO