Khuaimeivak nih ~ Lian Tuang

Khuaimeivak nih ~ Lian Tuang

Khuasung ka vakna khat ah khuaimeivak tumtawng nih na kiho taptap uhi.

Bangthutak kiho tantan uh hiam ci in a pam panin ka ngai sim dide hi.

A khatna in :
Mihingte bel gilo sa lua ing. Mei tawh ong hal masa uh. Tua khit ciang mi khempeuh muh dingin ong pholak niloh lailai, a ut na peuh ah ong tuah kawikawi sawnsawn. Kei bel hamsia kisa lua ing. Na sa lua ing ci in a khasiatna gen ngaungau hi.

A nihna;
Ken tua ci ngaihsut kei veng e lawm. Kei hangin ka kim ka pam in khuamu thei hi ci in kei le kei kipak mahmah zaw hi veng. Kei ading hih pen a thulangdangpi khat hi ci ing. Tua bek hi loin mihingte in ong dopbawl mahmah lai uhi. Na dangdangte tawh ong koihkhawm gawp loin, a sangna mun ah kuama nawkkhak loh dingin ong lamsang tawntung lailai uh hi a cici kai ve, ci in dawng kik hi.

Hih khuaimeivak tumtawng nihte kihona ka zak ciangin thupiangkhat tungah ngaihsutzia muhzia nam nih bek hi loin nam tampi om theilua ding hi cih ka phawk thak a, ka vakna ka zom suak hi. Lian Tuang (Feb 2016)