Hun ngakding kisam hi ~ Tg. Cin Suum

Hun ngakding kisam hi ~ Tg. Cin Suum

Nidang lai in,a pil puteek pa khat le a nautang teng khualzin in hong pai uhhi.

Gamsung hong tun uh ciang in mun1 ah hong tawlnga uhhi.A dawnding uh tui zong nabei sese in,lam laklawh ah hong om uh ciang in puteek pa in anungzui te kiang ah tuitawi ding in asawl hi.A nungzui te zong tuitawi ding hong kuanpah uh hi.

Tua hun laitak in, sakhi te in tui adawn na mun lui sung pan a paikhiat tuung,a paikhia cil ahih man in,tui nin lua in tuitawi ding mulo in om uhhi.

Tua ciang in naupang te zong cihnading thei lo in puteek pa kiang ah hong ciahkik uhhi.

Puteek pa zong bangmah paulo in,gamdai tak in hong omdide mawk hi.

Tuazawh nai1 ciang in puteek pa in naupang te tuitawi ding in sawlkik leuleu hi.

Tua ciang in naupang ten apai nasa uh ah paikik in tuisiangtho tak tawi in puteek pa kiang ah hong ciahkik ta uhhi.

Tua ciang in puteek pa’n dong aa…..
“Na tawi uh tui bangci siantho sakna hi uh hiam ci in dong hiဲ” naupangten bangmah cih kei ung ciin dawng hi.

Naupang khat in dawng in….. “A sianhun kangak uh hi ci-in” dawng aa puteek pa in nuihmaisa in dawngkik aa

Himah hi,tuisian hun ngakkul hi ci in dawng hi.

Tuamah bang in sanggam te aw na hehna uh,na khaisatna uh,na lawhsap nate tung ah heh gawp in lungsimbeigawp in om kei unla,a hun tawmkhat ngak zawh sawm un.

Na tuahkhak haksatna tung ah na lungkhamna,na hehna,na cihmawhna na beidonna te daisak in lecin hunkhat ciang in nang aa ding in lampi hoih,tuisiangtho,lungsim siang tho,zingni thak,lungkhamna teng a bei hun hong tung ding aa tua khit ciang in lungdamna,lawhcinna te hong pai pan ding hi. Hun ngak zawhna in gualzawh ahihi. Tg. Cin Suum