ZAM Thupuak :: 17 August 2014

ZAM Thupuak
ZAM :: Zomi Association of Malaysia

UNHCR-CDU leh kipawlna makaite kimuh khopna

August 14, 2014 ni-in UNHCR-CDU vaihawmna tawh zingsang nai 9am pan 11am ciang Chinese Assembly Hall ah kipawlna makaite leh RST te kimuhna ki nei thei. RST panin ulian Micheal Wells leh thu manlo zongkhia pawl (Fraud Investigation Team) panin mi 2 hong kihel thei uh hi.

Min, suah ni, nu le pa min, khua min adang tuam-tuam a kibang gam thumna tung khinsa leh Malaysia a om kigawm mimal 2300 om ci uh hi. Hih teng khempeuh pen UN zumpi Geneva, Bangkok leh Malaysia panin zon khiat dingin gen lai uh hi.

Hih vai tawh a kisamthei mi tampi a om mah bangin a kisamthei vetlo zong tampi om ci uh hi. 2009-2010 lai Malaysia gam sung lauhuai dan zong hong tel pih uh in thu hong dot uh ciang thu man gen ding a kul leh kisap mahmah na hong genkhia uh hi.

Tu kum bei ciangin mimal 1500 ciang zawh sawm uh hi. Na thu teng aman a nagen khit ciangin nang genna tawh ki zui-in Card thak hong pia ding uh hi. Min laih khit zawh ciang card thak ngahte theih dingin na card lui tawh zato vai na neih leh UN zumah gen a, na min thak tawh na zato vai te hong laih sak theihna dingin lai pawlkhat hong bawl sak in hong pia ding uh hi. Bank card zangte ading bang mah khentatna kinei nailo ci hi. Nausuak Birth Certificate vai tawh kisai in kumpi thu neite tawh kiho lai ding gen uh hi.

Nang minlo tawh UN ngah na hih leh nang le nang UN ah ki pulak ding hong hanthawn mahmah uh hi. Hih vai tawh kisai lai na khak nop a leh <[email protected]> ki khak thei hi.

Theihding: Atung a kigen buaina tuak kha te’n nang sang athei zawte kiangah dong thei le teh hoih pen.

2014 Kum Zomi’ Ngeina KHUADO Pawipi Mapan Khopding Sapna

Kumsim a Malayisia a om Zomi te’n i bawl den i ngeina KHUADO pawi bawlna ding vai August 13, 2014 ni-in ZAM zumpi ah kikup khopna ki nei-in vai hong vanpih/buaipih dingin a nuai a bangin Committee kiseh hi.

Lutangpi : Hau Suan Khai
Lutangpi huh : Rev. Thang Do Khen
Thuvanpi : Joseph Mangsen
Thuvanpi huh : Pu Gin Khua Thawng
Sumkem : Khoi Sian Tuang
Sumkem huh : Pa Thang Za Khai
Sazian len : Thaa Mung
Sazian len huh : Rev. Thawng Ngaih Khup

Thu khentatna leh Sub-Committee
Khuado Ni ding : October 15, 2014 (Wed.)
Amun : Chinwoo Stadium mah

Zolia & Zotaang : Deih Mang, Francis Kham, Cii Cing

Zomi Idol : Deih Mang
: Rev. Dr. Cin Sian Pau
: Rev. Gin Do Khup
: Lengtong Pauno : Pa Suanno
: Vai

Fundraising : Khoi Sian Tuang
: Pa Thang Za Khai
: Thaa Mung
: Rev. Thawng Ngaih Khup

Media : Joseph Mangsen
: Sia Hau Thang
: Khampu
: CS Sangpi

Zomi League : Mangpu
Decoration & : Sia Kam Mung
Security : Tuangpu, Kimpu

Chair arrangement : Sia Kep Lian
: Francis Lam Thang
: Cinpi
: Ngaih Hau

Zomi’ Ngeina Khuado Pawi picing takin bawlnuam ihhih manin Malaysia gamsung aom Zomibup akua mapeuh in Khuado Pawi nongsimnading un zahtakna lianpi tawh kongsam uhhi. Khuado Pawi ih bawlzawh nadingin sum leh pai tampi hongki samding ahih manin muanna leh lametna lianpi tawh Khuado Committee in anuai a bangin ma ih pankhopding kong zawn uh hi.

1)pan mimal 100 val aom te RM200 pan atungsiah.
2)pan mimal 100 nuai aom te RM100 pan atungsiah.
3) Biakna pawlpi khatciang RM200 pan atungsiah.
4)kipawlna leh Pawlpi panbek hilo in, mimal inzong piaknop zahtek kipia thei hi.

Zomibup akua maciat in mapangkhawm dingin muanna leh zahtakna lianpi tawh kongzawn uhhi.

Khuado Pawi Special:

Thu genna, Zolia & Zotaang kidemna leh Zomi Idol kidemna nasia tak kinei ding hi.
Khuado Pawi Committee 2014

KHUADO pawipi bawlna ding mapan khopna apiasa teng

Taakkhawl RM100
Thalmual RM200
Mualbeem RM200
Cikha RM100
Lunmual RM100
Sezaang RM200
Kaptel RM200
Singunau RM100
Zozaang RM100
Zampi RM100
Tungzang RM200
Chiantagyi RM100
ZCCM RM200
CMF RM200
ZCF Kajang RM200

RSC leh DHS panin Contact ngahlo

RSC leh DHS panin Contact ki ngahzolo pawlkhat om leuleu hi. Hih anuai ateng lakah na UN Nambat akihel khak leh ZAM zumpi ah hong zasak pah in.

354-09C07816
963-06C01222
354-10C12710
512-04C02591
512-04C01144
354-08C03859
791-09C09678
354-10C05583
354-10C08099
354-09C07808
791-09C13210
791-10C01326
512-09C03003
791-09C10431
791-09C17614
354-10C07776
354-03C10151
512-05C00195
791-09C02607
791-09C10198
512-04C00908
512-04C00516
512-05C01264
791-10C07901
791-09C12152
512-04C01654
512-03C00825
354-12C01635
791-09C08865
512-03C00826
791-10C02904
354-09C07307
791-09C16870
791-09C16932
791-09C13060
791-09C10173
354-13C02203
354-11C01445
791-10C02922
791-09C09019
791-10C00221
791-09C17125
791-09C16498
354-10C00520
354-03C13946
354-10C04356

ZOMI LEAGUE 2014 Group khenna leh kilawmtat ding hunte

GROUP A GROUP B
A1. Zomi Catholic Community Malaysia (St. Francis)  B1. Zomi Catholic Community Malaysia (St. Joseph)
A2. Malaysia Laipian Pawlpi (MLPP)  B2. Zomi Catholic Community Malaysia (St. Mary)
A3. Agape Puchong B3. Zomi Adventist Church (ZAC)
A4. Zomi Christian Fellowship (ZCF-Canaan) B4. Evangelical Baptist Church (EBC)
A5. Myanmar Mission Church (MMC) B5. Christ Mission Fellowship (CMF)
Pawlpi 9 pan Team 11 ki lawmtatna nei ding. B6. Zomi Christian Assembly (ZCA)

ZOMI LEAGUE 2014 kihel ding team te zuih Ding thukhun

Zomi League pen Malaysia a om Zomi te’ makaih pawlpi bulphuh a ki mawlna ahi hi. Zomi pawlpi khat le khat, pawlpi sungah khat le khat kilawmtatna ding lunggulhna tawh kimawlna hi-in pahtawina ngahte Khuado Pawi Ni ciangin pahtawina kipia ding.

1. Zomi League lutman ding RM600, Deposit RM 200 dingin ki thukim. (Azenzen in sum a kicin kei a leh deposit pan belhlap ding ki thukim).
2. Zomi League a kimawl ding khempeuh a pianpih kam pen Zopau azang Zomi hi hamtang ding.
3. Zomi League kipat ni ding pen August 24 pan October 12, 2014 ciang kisui ding.
4. Zomi League kimawlna pen kal khatin nipi ni zingsang lamta bek kimawl ding.
5. Pawlpi khat a kimawlsa khat Pawlpi dangah kimawl kik thei nawnlo ding.
6. Pawlpi khat pan kimawl ding mimal a tampen (25) ciang kingah ding.
7. Kimawl ding min list pen Pawlpi letter head, seal leh siapa letmat tawh ap ding.
8. Zomi League thulehla tuamtuam tawh kisai in Media/thu kizakna ding a kisehte lo buangin thulehla suahsak leh khahkhiat theihna ding phalna omlo hi.
9. A kisehsa kimawl ding hun aa pailo, kimawllo Pawlpi peuhmah Zomi League fund dingin RM 200 kiliau sak ding.
10. Zomi League lut ding peuh mahin Deposit sum RM200 committee tungah ap hamtang ding aa, Khuado Ni ciang kipia kik ding.
11. Deihloh penin kimawlna sungah a kilawmlo luate Yellow Card ngah khat RM 30, Red Card ngah khat RM 60 Committee tungah kipia sak ding, Red Card ngah pen puai khat kikhawl sak ding.
12. Kimawl ding peuhmah in Ball boot lo tawh kimawlna sungah lut theilo ding.
13. Group stage pan akah ding Mark kikim a om leh Goal khup zah (etc) tawh khentat dingin ki thukim.
14. Puai khat ah kimawl mi 7 ciang kilaih thei ding.
15. Semi-final leh Final ah a kidit leh hunval Minute 30 kisui sak ding a, a kidit lai a leh penalty 5-3-1, a kidit lailai a leh mee tawh khentat ding.
16. Group teng khempeuh kimawl hun ding Minute 70 hiding a, Semi-final leh Final ah Minute 90 kisui ding.
17. Kimawl kipat pan kipan a zawh dong Referee kawm dingin ki thukim.
18. Thu manlo a gamta a om leh a kitheih hunhunin kikhawl sak ding.
19. Kimawl hun ni teng khempeuh zingsang nai 7:30am in kipan ding.
20. Deihloh penin kimawl hun laplo Pawlpi khat peuhpeuh a om a leh mi 7 a cin leh kisui sak ding a, a cin kei a leh mins 15 kingak ding a, tua hong lap kei lai leh 1:0 in ki ciamteh ding.
21. Kimawl kipatma kimawl dingten list ap hamtang ding a, tua sung mah in kimawl dingte sit cianna kinei lai ding.
22. Kimawl ding a kilaih ding ciangin Committee te tungah ami tawh maikaite in paipih ding a tua panin Committee te khat in Referee thu neite tungah kigen sak ding.
23. Zomi League hunsung kimawl ding khempeuh zukham a om leh kimawl saklo ding.
24. Zomi League kimawl hun sung teng Committee phalna lo tawh vanzuak (guih theih kham theih) zuak a om leh Zomi te guih theih kham theih tawh a bumpa/nu ci-in news ah suah ding.
25. Zomi League sung khutlum ngakha aomleh tua Pawlpi RM 200 kiliau sak ding a, a Team bup kisui sak nawnlo ding.
26. Zomi League sung thulehla telcianlopi a Committee mawhsak nuam aomleh RM200 ki ngam ding a tua Team kikhawl sak pah ding.

Tukal Palaai te buaipih diak teng

Thawn Khen Mang (Lailo) Sea Park Palik zum ah a kibuaipih laitak hi.
Suan Kap Thang (Laitui) Ph.016 326 9081innkuanpih te’n Bukit Jalil camp ah hong veh hen ci.
Lian Khen Nawl (Buanli) kiman, avai a kikan laitak.
Cing Za No (Cikha) Camp sungah om, a ki buaipih laitak.
Thang Hau Mung (Mualpi), Kim Sian Muang, Nang Suan Mung (Singunau), Thang Sian Muang (Kapteel), Khup Lian Muan (Kapteel) Kota Raya ah kiman, a ki buaipih laitak.

August 13 ni kimatna pan hong suaktak thei kik pahteng

Thang Suan Cin (Kahngen), Kim Boih (Khampat), Zam Lam Mung (Zung), Cing Ngaih Lian, Lunmual), Pau Deih Lian (Seekpi), Go Khat Khai (Seekpi), En Sian Mung (Seekpi), Mang Sian Gin (Kapteel), Thang Kim Khai (Taaklam) leh Kam Siam Lian (Thalmual) te CID puan silhlo ten na manin palaai te buaipihna tawh hong suakta thei kik pah uh ahih manin ki lungdam pih mahmah hi.

Theih ding thu poimawh

Kota Raya kiim tengah hong kimat ciangin hong huh nuam midangpi hong tam ding uh a, na sum leh na phone hong ngen pah ding uh hi. Tua bang mite um in muang kha kei in. A tuak khial leh a muang khial tampi om khin uh hi. Tua ahihman in na theih leh na tel ahi Zomi Zumpi (ZAM) mah thu hong zasak zaw in. (Sia Thaa Mung 016 646 5375)
Sum hau kisa pian a palikte hawmzo ning na cih kei buang leh Kota Raya Mydin, Pasar Seni leh Pudu kiim teng ah mawk vakvak se dah in. Tua kiim tengah palik puan silhlo CID te a dilpi in omden uh hi. Na vaak leh zong atung a mun teng pelh ding hanciam in. (Sia Tuangpu 016 254 4093).

New Zealand ah Kawlgam Refugee te kila laiding: (Prime Minister)

Kawlgam pen abeisa 2011 kum akipan apiangthak tawh akibat hangin piangthak taktaklo ahih manin Kawlgam pan Refugee te ka lalaiding uhhi ci’n New Zealand’s Prime Minister in genkhia hi.

Prime Minister John Key genkhiatna ah UNHCR (UN High Commissioner for Refugees) tungtawn in Refugee hihna akician taktakte New Zealand gamah ka lalaiding uhhi ci’n Irrawaddy tawh Exclusive Interview abawlna panin genkhia hi.

UN min sanna angah khin ahih nak leh ka lading uhhi cihi. Banghanghiam cihleh Kawlgam pen akikhel, apiangthak abat hangin Rakhine (Arakan) State sungbek enpak lengzong lungkhamhuai mahmah hi. Tuahangin hihte hehpihna tawh Kawlgam Refugee te laklaiding gelna anei uh ahihi.

United Nations ten a upmawhna ah 2012 kum akipan Arakan State panin Gunkuang Boat tawh ataikhia mi 86,000 bang phading in ummawh uhhi. Hihpen Arakan State (Rakhine) sungah buaina hongpiangawp ciang in mipi 140,000 bangin innlehlo suplawh, tanlawh uh a, cihnading atheilo te ataikhia uh ahihi.

Abeisa kum 10 huamsung akipan Thailand leh Malaysia panin UNHCR Program vaihawmna tawh New Zealand ah Refugee gambel mi tampi ki tungkhin hi. Tuate lakah Karen, Kayah leh Chin State panin minam tuamtuam kihel hi.

Tulaitak New Zealand gamsung ah Kawlgam mi 2000 bang omding in ki ummawh hi. Hihteng khempeuh pen avek in Refugee Program tawh hongpai hikhinlo hi ci’n Annie Coates kici Karen-Burmese Social Worker asem khatin genkhia hi. Ref. ZomiDaily

HELP-UNHCR “Project Self-HELP”

UNHCR vaihawm sakna tawh HELP College ah Manglai, An huan dan, IT leh sam bawl dan tuam-tuam manh ngetlo in kisin thei hi.
A kisam teng, siamsin ding nu/pa kum 15-24 kikal hi ding, UNHCR card or laidal pi nei hi ding.
Alunglut a form deih te in ZAM zumpi ah ki kantel thei hi. Form ap ni ding 6 October, 2014.

ICMC makaihna tawh Sang 7 limlah kidemna kinei

ICMC makaihna August 15 ni-in YMCA Hall ah gambel siamsian naupangte “Liangko kikim ding pen mi khempeuh thu neihna” (Equality is everyone’s rights) cih thulu tawh sang 7 kidemna ah ZEC-Maharajalela siamsin naupangte zong kihel thei-in a thumna hong ngah thei uh ahih manin ki lungdam pih mahmah hi.

Hehpihna tawh hongkan pih un

Sanggampa Tg. Thang Do Neng (Tuizang) tawh kizop theih lohna kal 3 bang phata ahih manin hehpihna tawh hong nakan pih un. Amu kha na om uh leh ZAM zumpi ahih kei leh hih phone tawh hong contact un. Kap En Ph. 014 224 5954

Australia pan laikhak ngah ding om

Kai Mung 3. Gin Khaw Thawng
Zo Ngaih No 4. Alex Pau Lian Kap

ZAM Card tawi Zomi te ading nasep

UNHCR-EST nasep zon sakna panin Johor Bahru KFC sai a sem dingin Zomi citak mi kideih behlai hi. Alunglut khempeuh ZAM zumpi ah na min sazian uh hong piapia un.
Port Klang packing setzungah sem ding pasal 6 kideih. Nasep hun nikhat nai 9 sung tawlngak hun tawh kigawm, kal khat 1 veita off, OT tawh nikhat RM54-60 kikal ngah thei den. UN card neite bek deih. Kha sum ni 7 mata pia den. Alunglutte kizopna ding: Mangpu 019 510 6413

Lungdam kohna

Zomi Catholic (ZCCM, St. Joseph Church, Sentul) pan tukal Thupuak bawlna ding RM50 hong piakhia leuleu uh ahih manin lungdam ihko hi. ZCCM Pawlpi tawh na kizop nop leh: Francis Khampi 016 269 1351.
Zomi Christian Fellowship (ZCF Banting) pawlpi te’n August 10 ni-in ZAM palaai te pawlpi ah thapiakna nei dingin hong samin, kha thu leh zumvai ki ngen khia thei hi. Pawlpi panin RM200 hong piakhia uh ahih manin lungdam ikho hi.
Lailui khua mi Tg. Hau Suan Lian in tukal Thupuak bawlna dingin RM50 hong piakhia ahih manin lungdam ihko hi.
Salkollam a teng Tg. Paan Khup in tukal Thupuak bawlna dingin RM50 hong piakhia ahih manin lungdam ihko hi.

Address:
155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…