ZAM Thupuak :: 16 Feb 20 (Zomi Nam Ni – Malaysia)

Zomi Nam Ni ah laambang paak khawmni

“February 20 ni “ZOMI NAM NI” hi ih cihcih zingciang hong tungkik ding hi a Malaysia gamsung a om Zomi U leh nau ih vekpi in laambang paak khawm leng “Lungdeih zatam libangcing ding” ci-in ih Zomi National Day 2020 Committee mintawh pello nong kihel nangin kong zawn uhhi. Tukum Zomi Nam Ni ah zin mangpi dingin GZA pan I zahtak mahmah leh I muan mahmah khat ahi Rev. Dr. Do Suan Mung hi ding a, tua bek tham loin kawlgam pan hong zin lasiam Cingtom leh Zomi Idol Malaysia te in hong zaizaih zaih ding uh hi.

MAPANG KHAWM IN A SEM KHAWM ZOMITE

Zomi Nam Ni ading mimal hanciamna, khua kipawlna, Pawlpi ciatpan na vei nate uh nong lahkhiat manun lung dam kohna kong taangko uhhi. A kihel kha nailo na min, khua leh pawlpi min a om leh Zomi Nam Ni ciang Usher te kiang ah zong kipia theilai hi. Zomi a ding nabeina khempeuh Topa’n azah tampi hong dipsak henla, Zomite ading Pasian hauhna nang tungtawn pan in a zek ziahziah dingin sianin hong siam ta hen.

SECURITY TAWH KISAI

Hongtung ding Zomi namni ah security dingin palik leh Rela te leh Malaysia a om Zomi Khua Kipawlna tuamtuam pan makai te hi ding a, Buaina bawl Zu kham, kitawng, kilai a om leh palik ten tavuan hong lak sak pah dinghi. February 20 ni Zomi namni a hihmah bang in Kuala Lumpur sung a uk, palik thunei zumpite phalna tawh kibawl Zomi Nam Ni a hihman in buaina nabawl keinak leh nang a dingin bangmah lau huailo hi.

Kumsim in khat leh khat I kikhual na tawh Security lam pen ei leh ei ci in I kimai sak hong tam lua mahmah ta ahih manin tukum pen a thu om bangin hoih takin kisem ding ahih manin I minam pawi a muak dingin hong pai mite a ding nop mahmah ding a, buaina piangsak sawm in hong pai te adingin hong nuam khollo thei ding hi. I minam pawi ahih mah bangin khat leh khat a et lawm thei pen in I muak siam I pahtawi siam dingin zong I kizawn phapha hi. I minam pawi ah I minam a pahtawi I hih ding thupi ding a, mite muhna ah a zahpih huai leh mindai sak I hih loh ding Zomi khempeuh I vaipuak lianpen ahi hi.

PAHTAWINA: Zomi Cup football ah gualzawhna a ngah team te leh kimawl siam, a madawk deuh teng zong pahtawi na om ding hi.

UNHCR ZUM PI AH APPOINTMENT LA TE KI SAMSAM TA HI NA PHONE LIM TAK LEN IN

ZAM Zum pan in UNHCR ah appointment la in ih lai tinsak te Pawlkhat kisamsam om ta a hihman in ,a kisam pawlkhat te February ni10 khitlam ah UNHCR zum lam pai ding hi ta uh hi. Tua kawmkal ah Phone contact kingah lo zong om lailai I hihmanin I phone tawi te hoihtak kidawm in Phone hong lutleh len ciat ni. Hong kisap leh Kawlgam pan na tai na leh Gambeel mi na hih na kician tak in na gentheih ding ong kisam ding hi. Tua ban ah appointment na nget lai in na at thu tawh a kituak ahih hamtang ding zong hong kisam mahmah ding hi. Tua bang in hoih tak na gel siam theih kei leh a thei ding leh lam hong lak thei ding te kiang ahi zongin, ahih kei leh ZAM zum ah hong pai in kidong thei hi.

ZOMI NAM NI AH PANKHOP DING NGETNA

Malaysia a om Zomi ten kumsim a i bawl den ahi i minam ni a sawtloin hong tung ding hita hi. Abeisa kumte mah bangin tukum zong thupitak leh picing takin bawl theih na dingin 06 January 2020 in ZAM zumpi ah kimuh khopna kinei hi. Zomite in minam pi cing leh minam kician I hih na kician takin I lah na leh I minam I pahtawina tawh in 2020 Zomi Nam Ni zong nopcitak leh picingtak a i bawl zawh na’ng sum leh pai tampi mah hong kisam ding ahihmanin muan naleh lametna lianpi tawh Zomi Nam Ni Committee in anuai a bangin ma i pankhopding kong zawn uhhi. Mi khat peuh ahih kei leh kipawlna khat peuh I pawi hi loin Zomite I minam ni pawi ahih manin mikim in mawh puak lain pang khawmin I sepkhop ding zong I kizawn hi.

Zomi Nam Ni adingin sum leh paai tampi kisam ahih maninin I pankhop ngeina bangmahin tutung zong Khuakipawl nate panin RM 200 leh biakna Pawlpi te panin RM 300 tawh mapang khawm dingin I kizawn hi. Khua kipawlna, Pawlpi bek hi loin mimal mahmah in zong ka minam ni pawi ading kihelnuam ing acite zong lungdam takin kisang hi. Nang kihelna hangin I minam pawipi lawhcing tuam ding hi. 2020 ZOMI NAMNI Committee

ZOMI NAM NI ADING PANKHOPNA HONG PIASA TE

• 1. ZEM Pawlpi RM-300
• 2. MLPP Pawlpi RM-300
• 3. Phaiza Innkuan- Malaysia RM-200
• 4. ZCF-Kajang Pawlpi RM-200
• 5. MBF Pawlpi RM300
• 6. Ngalbual Khua Kipawlna RM200
• 7. Cikha Khua Kipawlna RM200
• 8. Lezang Khua Kipawlna RM100
• 9. Haupi Khua Kipawlna RM100
• 10. MZCC Pawlpi RM300
• 11. Tauleng Khua Kipawlna RM150
• 12. Haiciin Khua Kipawlna RM100
• 13. Suangpi – Tedim Khua Kipawlna RM200
• 14. Zomi Innkuan-Rawang Pawlpi RM300
• 15. ZCF-Hatamas Pawlpi RM200
• 16. PWC Pawlpi RM200
• 17. Harvest Pawlpi RM200
• 18. Pangzang Khua Kipawlna RM100
• 19. Taaklam Khua Kipawlna RM100
• 20. Singzung Khua Kipawlna RM200
• 21. ZCCM pawlpi RM300
• 22. Suanghoih Khua Kipawlna RM100
• 23. Saizang Khua Kipawlna RM200
• 24. Phaileng Khua Kipawlna RM200
• 25. Zomi Manchester United Fan RM200
• 26. Mualpi Innkuan Malaysia RM200
• 27. Zampi Khua Kipawlna RM100
• 28. En Sum Piang (Mauvom) RM50
• 29. Tuimang Khua Kipawlna RM200
• 30. Buanli Khua Kipawlna RM200
• 31. Lailo Khua Kipawlna RM300
• 32. Tuithang Khua Kipawlna RM200
• 33. Zion Christian Church -Songgailong RM150
• 34. Heilei Khua Kipawlna RM200
• 35. Ngalzang Khua Kipawlna RM200
• 36. Mualzang Khua Kipawlna RM100
• 37. Zonuamzang Khua Kipawlna RM100
• 38. Ngente Khua Kipawlna RM100
• 39. Tuisau Khua Kipawlna RM200
• 40. Pyidawtha Innkuan Malaysia RM200
• 41. ZSFI Kipawlna RM200
• 42. Old Darkhai Khua Kipawlna RM150
• 43. KL EBC Pawlpi RM200
• 44. Cingpikot -Keizang Khua Kipawlna RM100
• 45. Lingthuk Khua Kipawlna RM100
• 46. Praise Adonai Pawlpi RM100
• 47.New Darkhai Khua Kipawlna RM100
• 48. Tuimui Khua Kipawlna RM200
• 49. ZAC Pawlpi RM300
• 50. Laaitui Khua Kipawlna RM200
• 51. ZCF-Canaan Pawlpi RM300
• 52. IZCC Pawlpi RM300

2020 ZSM LAIBU KINGAH TA HI : Malaysia zomi Genvai Kipawlna (ZSM) 2020 ading ki lutthei ta a, ZSM laibu te zong kila thei ta hi. ZSM lut man mi khat ciang kum khat ai RM 20 hi a, hih na lutna hang tawh ahamsa a dongtuak I mipihte a panpih, adah-akap hun ah a khitui anulsak na hi gige hi. Hih ZSM ah member na lut na in nang ading apia na hikei a, panpihna akisamte a panpihna hizaw hi. A ki sam khat I panpihna in Pasian deihna zong ahi hi.

ZSM ADING PANPIHNA HONG PIA TE

• 1. MBF Pawlpi RM300
• 2. Taaklam Khua Kipawlna RM200
• 3. ZEM Pawlpi RM1500
• 4. Phunom Khua Kipawlna RM-200
• 5. Phaiza Innkuan – Malaysia RM-200
• 6. ZCF-Kajang Pawlpi RM-200
• 7. Agape Puchong Pawlpi RM-300
• 8. Ngalbual Khua Kipawlna RM200
• 9. Haupi Khua Kipawlna RM200
• 10. MZCC Pawlpi RM500
• 11. ZCF-Bethany Pawlpi RM200
• 12. Suangpi -Tedim Khua Kipawlna RM200
• 13. Zomi Innkuan- Rawang Pawlpi RM300
• 14. Cingpikot-Keizang Khua Kipawlna RM200
• 15. Singzung Khua Kipawlna RM200
• 16. Saizang Khua Kipawlna RM200
• 17. Mualpi Innkuan Malaysia RM200
• 18. Buanli Khua Kipawlna RM200
• 19. Tuithang Khua Kipawlna RM200
• 20. Zion Christian Church -Songailong RM150
• 21. Zonuamzang Khua Kipawlna RM200
• 22. Praise Adonai ZCF Pawlpi RM200

PILVANG TAK IN OM SAWM NI:

Tuhun laitakin kimat kihen hong tam mahmah a, Malaysia kumpite in agam sungah phalnalo tawh om mi tampitak siangsak nuam ahih manin kimat kihenna hong tamto semsem ding hi ci gen khia khin uh hi. Mun tampi ah Oparasi lut kawikawi ahih manin I om na ciat ah kidawmtak, pilvangtak in om ding han ciam ni. A thukin lua mahmah ahih kei leh vakvak kei zaw ni. A diak diakin Immigration te leh CID te uniform silh loin vakvak uh a, tua tungtawnin pawl khat in sum zon nain hong nei lai uh hi. Hong pang kawikawi in tampi pi tawh hong kitan sak uh hi. I vak suk vaktohna ah kiim leh pam zong hoih takin I et theih ding hong thupi hi.

ZATO LAM TAWH KISAI: Zato lam tawh kisai-in vai khat peuh na neih leh ZAM zum ah hong ko in. Contact :Sia Mungpi 018 3122 957

TUKAL SUNG ZATO LAM BUAIPIH

• 1. Mang Suan Khai (Tonzang) ACTS ah kibuai pih
• 2. Lalam (Khampat) PPUM ah kibuai pih
• 3. En Lam Khai (Tahan) HKL zato ah kibuaipih
• 4. Mang Khan Kim (Phai) Tongshin Zato ah kibuaipih
• 5. Hau Pum Thang(Tedim) ACTS ah kibuaipih
• 6. Awi Lun Niang (Phunom) ACTS ah kibuaipih
• 7. KimKim(Suangzang) Jalan Duta ah nausuaklai kilak pih.

ZOMI TE ADING NASEP :Malaysia gam sung om Zomite nasepneilo in nasem nuam mahmah napi nasep zon nang a lemlote in ZAM zum ah hong dawp un. Zomite adingin man ngenloin na sep kizon sak den hi. Contact – Sia Mamang – 018 231 1365

TUKAL SUNG THONG LAM BUAIPIH

1. Cin Khan Lian (Tungzang) Cheras Baru pan Oparasi tawh kiman in Ampang Palik zum pan kihon khia thei.

2. Sum Sian Mung (Tungzang) Cheras Baru pan Oparasi tawh kiman in Ampang Palik zum pan kihon khia thei.

3. Ciang Suan Cin (Pyidawtha) KL Sentral pan Immigration te in manin lockup pan hong suakta kik thei.

4. Vum Sian Kham (Pyidawtha) KL Sentral pan Immigration te in manin lockup pan hong suakta kik thei.

5. Khup Khen Piang (Pyidawtha) KL Sentral pan Immigration te in manin lockup pan hong suakta kik thei.

6. Than Tun (Yakhine) KL Sentral pan Immigration te in manin lockup pan hong suakta kik thei.

7. Depak (Nepal) KL Sentral pan Immigration te in manin lockup pan hong suakta kik thei. (A boss te huh ngetna tawh kivanpih)

8. Mark Olebia (Phil) KL Sentral pan Immigration te in manin lockup pan hong suakta kik thei. (A boss te huh ngetna tawh kivanpih)

9. Peter Thang Khen Kip (Khampat) IPKL pan kila khia

10. Gin Lam Cin (Thangzang) Balai Seapark pan hong suakta thei.

11. Cin Lam Khual (Phunom) PJ palik zum pan hong suakta thei.

12. Sian Khan Thang (Phunom) PJ palik zum pan suakta

13. Cin Deih Tuang (Tuisanzang) IPD Petaling Jaya pan kila khia thei

14. Tual Deih Lian (Zozang) PJ mahkahmah ah kibuai pih

15. Pau Sian Mung (Zozang) PJ mahkahmah ah kibuai pih

16. Thang Lian Mung (Phunom) Balai Mutiara pan suakta

17. Nang Lam Sang (Phunom) PJ Mahkahmah ah kibuaipih laitak

18. Ngaih Ruth (Sawbua) Pengkalan Chepa, Kelantan thongah kimuh pih thei

19. Thang Hau Sen (Kapteel) Machang Kalentan thong ah kimuh pih thei.

20. Do Lam Mang IPD Dawanggi ah kikan sak

KIMAT KIHEN NA TUAK LEH : Zomite kimat kihen na tuak zenzen uh leh hih phone no. te ah na hopih pah in. Nang a dingin atawn tungin kiging sa in om den uh hi.

• Sia Tuang Pu : 016 254 4093
• Sia Zo Mung : 017 663 6087
• Sia Maa Mang : 018 231 1365
• ZAM Hotline : 016 293 9027

LUNGDAM KOHNA

1. Mang Khan Muan (Dimzang) RM50

Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi bangin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hong pia tahen.