Ka zineih dan thu ~ Lengtong Pauno

Ka zineih dan thu ~ Lengtong Pauno

Keilekei vaihawm’haksapi a zinei kahi a, zi gaapkhat kum 7. athalawhpa Pu Zakoh’… khuangnungzompa kahi hi.

Kapian’na Tedim tawh, kakhan’khiatna Tonzang tawh, kakhua Tuithang tawh,mopi ding khua3 vaihawm himawkin olvetlo hi. Ka kaihkhopkhop leh upa 13, avekpimi 15, 1990, June 21, Friday in Vangteh vapaithei uh hi.Khe tawhpaina ah, hehpihhuai hongsakman a, kazi pidinga avapai tantanh, tulaitak a MP pu Thangkhup’nu ka aa’naa mahmah hi. Ka mangngilh theikei hi. Ata atute tung’h lungdam’ kakou phapha hi.

22nd,June,Saturday ah mopi’na sa kigo a, ke’n, Vangteh sahawlte’ sataang’ Tedimpan ka puannuaithau tawh kapang khiikhee hi.

Atua leh, ka lawmnu naute pasalno khat(Kham Suan Dal)Tedim hongpai mawk. Buaina(kiho lemlohna)khat om ahitam maw? ci in, ” Bangvai a hongpai nahia Dalno” kacih dukse leh amah’n, ” Inu’n, Tedim ah, na UPau vasam in, hongci a, hongsam a hongpai hi’ng, na tun’phet hong kilehkikpah un hongci” cimawk. Nitak nai 5pm satta, Vangteh paiding himawk.

Tuithangpan a mopi dinga hongpaite lah, tuuk lohon’ laitak himawk ahihcianga, sawttaam ngamlo, 23rd,June,Sunday hong kilehkikpah ding uh,ke’n Saizangciang motor tawh dawn ding, Lengtong, leilum Khaipi’ Jeep, Saizangpan Tonzangdong sathau thun’dingbek a hong kawmh, ahawlding USuamang kagensa hilai, ka lungbuai samei’maw tazen.

Bangbang hileh, ahang kitheilo, hongki sapna zuihphotkul. Leilum nailungset khang katun’vua nai 6pm sat. Vangtehdong suk,phei,to taleh aktai’ thiangthiangin nai 9pm satma a tung hizen.

*Tuithang kabehkatanaute lah, alo-an uh kipi in aneekdinglau uh, keisemlah Vangteha ka baalpi nusiat, lungin aneekdinglau = Lau 2kigawm Mopi’na pawi…haaaA.

Vangteh innka tun’phet ka sunghnu gei ah, ka vapai buatbuat leh, Dalno hong sapsakliangna pen, na lungkhamhuai hetlo in, a innnuai a akhawisa vok kigo ahihcianga “Vokngoi hong nesak nuam nahi”… Lungkhamna kuampite gilvahna sangoi hong suaksakzo:-:-“Halelujah!..

Sangoi neekthaman, khuasung nungak tangval te’n, zankhua la hong sasak thapaai uh.

Kei zingsangnai 2am a Tedim lamah, sakolno taai’ leuleu. Zanni aktaai’ khin kai’cianga sakol notaai’ kai’ve. Khuavakpheta, azanni a kanolhsa Leilum Khaipi’ Jeep genkik leuleu. Ahawlding Sakollamah USuamang genphei.Ka cycle peinih ki makhelhte lah, khepikabek hi mawk. Azuiding LuanSan(Suamang’zi) naupa Tha Mung phong phei, Sathau thun’..guahzu ziahziah sawnsawnh.

Saizangdong dawn’dingpen, Leitawhtanh ah kituak. Motor tungah ahithei banga tuang… Sakollam a ka Unu(Rev Cin 10 Siing’ nu) te’nn tawmvei khawl. Amau nupa zong Vangteh hongpai uh.

Guahciin thapaailai. Tuapan Tonzang ka Upite’ inndong taisuak. Kei le Thamungin spare sem. USuamangin hawl. Khaipi’n motor hongkawmh. Kohzawhloh lungdamna agenkawmkawmhi’ng. Lengtongte’ kidon kihuai dan hibang ahi hi.

23 June (Sunday) Tonzang tung, 24 June (Monday) vaitenggeel. Tungtuanga ka lawmnu’ Puteteng kianga, keimah ဖိတ္စာ dana kilak kawikawi.

25th,June,Tuesday, ka Ute’ innpi sungah, ka behpa uh Rev Thawng Khua Nang in siangtho kiteen’na hongpia hi. Ordination ngahnailo deuh, ka classmate AG Pastor Pau Suan Dal in keimah mopa hongliah hi. Monu pen Vangteh pan Lia Kam Do Zenin liah hi.

Ka zineihdan tu a tenghi. Buailua kahihmanin, zineidinga buai kahihlam ka mangngilhzel a, kei le kei, bang ale kabuaipih? ka kicizel hi. June kha guahzuzu ahihmanin ka motor spare sepkawm guahkawtden kahihmanin kacina cisapi a zinei kahi hi.

Video: Itna Kip Khosak in ~ Lengtong Pauno (lamal hilhcianna)

https://www.youtube.com/watch?v=7f7rCgZ-OTU

Tuuklai a kaneih ahihmanin “tuukvan” taktak hi a, kacisa saang’a asazawnuam khat omlailai ahihmanin, ka mopawi pen Tuukcisa pawi” ahi hi.

Theihgigeding:

“Nungak tangval nulepa damlai, zi/pasal aneihsawm veve peuhmahin nute pate hong dampih lai in neita un, ci in, konggensa bangin khatvei ka hong genphakik hi ”

Tulai khangthak, ”Living together leh Sleeping together” te’n sim leh deih kahihmana hong suaksak kahi hi.

Ka lungdam, Munkhai’pa