Information puahphatna leh lungdamkohna

Information puahphatna leh lungdamkohna

Dear it leh ngaih Zomi khempeuh

Tuivial khuami Pa Thang Suan khai te pata teng ong nusiatna tawh kisai a beisa August 9, 2014 ni a mun tuamtuam state tuamtuam pan lainatpihna sum ong sansak theidinga kicial Thusa teng information kongpiakna sungah phone number pawlkhat kikhialkha a hihmanin a man tawh onglaih kik ungh.

1.Tulsa khuapi pan thusa dinga vaihawmpawl in a cial/seh lia Niang San Kim @ Kimpi phone nambat pen zanni a kongsuahsak (918)269-7911 pen zangnawnlo in tulaitak a a zat (918)851-5815 pen a man hizaw cih puahphatna kongbawl uh hi.

2. Washington DC Area pan thusa dinga i seh pa Cia Mang phone number (925)204-4565 hilo zaw in ( 915) 240-4565 tawh na sapzawk nadingun puahphatna kongbawl uh hi.

Lungdamkohna

2. California State a om i Zomi pih minam it mahmah khat a hi Tg. Mun Mang in ong nusia i pa Thang Suan Khai te pa ta teng lainatpihna sum ko omna Zomi te sungah thusa semin ka na kaikhawm ding uh hi cih thu phone tawh ong zaksak manin nakpitak in a mah leh ong piakhia ding Zomi pih khempeuh tungah lungdamna thu kongpuak uh hi.

Tg. Thang Mun Mang
Email : [email protected]
Phone : (510)938-3866

3. A zomah itna in gamgi neilo a hihmanin USA gam tawh ki ukna power simloh vai khempeuh a zangkhawmphial Canada gam a om i sanggampa Dr. Cin Lam Thang @ Dr.Thangbawi in zong hih Pa Thang Suan Khai te pata teng tuahsiatna ah ko Canada gambup a om Zomi te taang;in thusa kongsem dinga lainatpihna sum kongkaikhawm dinga ngahzahzah no a teng tawh gawmkhop dingin kong khak ding uhhi cihthu ong zasak a hihmanin nakpi takin lungdam leh i angtang hi. a mah leh Canada Zomi khempeuh i biak Pasian in a thupha namcin ongpiaksak tahen!

Dr. Cin Lam Thang(Thangbawi)
Email: [email protected]
Pnone : (514)817-1164

Lamdangsakna leh lungdamkohna

Zanni ka nasepna Aaon Company ah ka naseppih Mong te nupi khatkiangah Pa Khai te pata teng ong nusiatna thu leh a hang teng ka gen zenzen leh a mai ong khing keei in keizong lainatpihna sumpia nuam ingh. aizongin tuni sum puakeng ongci-in tuni sun ciangin ka nasepna ah ongpai in zana ongpia ning kacih pen tun ongpia hing ci-in $ 20 keikiangah ong ap mawk hi. lungdam mahmah ungh ei. Topan thupha tampi ongpia hen kacih kawmkawm in namdangmi khat in hihthupiang a zakciang a lungsim lawngkha, lainatpih a hihmawk leh ei a Zomipih, sisan kibatpih ten i thuakpih tek, i lainatpih tek pen a hi dingmah himawk ei cih ka muthak hi. navekpi un Topan thupha ongpia tahen!

Genbehnop : A beisa a ong kisuaksak thusa tengpen innteek lampan in maingal taka a kisehngam teng hi-in a tunga i sanggam te dan mah in a munmun a khuakhua pan thusa ong sepsak thei ding i omlai leh lungdamna lianpi tawh ong kimuak ding hi. lainatpihna sum sanni a nunung pen deadline ni dingpen September 8, 2014 ( Monday ) ni dinghi cih kong tangko phapha uh hi.

Zomi sungah nalaizompih uh
Ong nusia Pa Thang Suan khai te pata teng i sanggam, naihuai teng taang;in
Pa Tual Sawm Lian
Tulsa,OK
August 11, 2014