ZAM Thupuak :: 05 October 2014

ZAM Thupuak
ZAM :: Zomi Association of Malaysia

2014 Zomi Idol, Zolia & Zotaang Sponsors hongpia teng

Malaysia gamsung a om Zomi te in October 15 ni ciangin KHUADO PAWI nasia takin kibawl ding hi. Tua pawipi sungah Zomi Idol leh Zolia & Zotaang kidemna om ding a, anuai a tengin itna, veina leh Zomi khangno te lapsang nopna tawh Sponsors hongpia uh ahih manin Malaysia a om Zomi aitangin ZAM zumpi panin lungdamna lianpi ihko hi.

• U Kaino & U Man Mang te innkuan (New Eden Services Company Limited) RM3000/
• U Philip Mawng (Taungzalat) te innkuan RM2000/
• Pa Tha Piang te innkuan RM1000/
• U Ning Lun (Aung Nan Daw) RM1000/
• Pa Pau leh Nu Cing te innkuan RM500/
• Pa Ngin Go Mang te innkuan (Zolimtui) RM500/
• John Mungpi te innkuan RM300/

Zolia & Zotaang te ki LIKE thei ziahziahta

2014 Zolia & Zotaang kidem ding Zolia 11 leh Zotaang 20, vekpi gawm mi 31 hongki helthei uh a, tulaitak https://www.fb.com/zomidaily People Choice Award dingin LIKE aki demlaitak ahihi. October 03 (5pm) panin October 13 (5pm) hunsung Facebook LIKE tengban ah Malaysia Professional photographer te’n Mark hongpiaksak dinga, tua tungtawn in Zolia & Zotaang People Choice Award ki piading hi. Zomi Idol mi 49 te September 4 ni-in Sunway Youth Fellowship Biakinn pi ah Top 20 telna kinei hi.

KHUADO PAWI THU ~ J. Thang Lian Pau

KHUADO PAWIka gelh hangin, kei zong Khuado thu a tel, i khanglui ngeina sungah a khangkhia leh a kidiah ngei ka hi kei hi. Tua ahih manin hih khuado thu kong gelhkhiat zong mi tuamtuamte’ gelh ka kaihkhop hi lelin, a thu a kicin khit loh ding baanah mi tuam-tuamte theih dan tawh zong kibang khinlo kha ding hi. Ahi zong Khuado pawi thu kigelh teng lakah kim pen ding hi. Sia Gin Za Go in Zolai Sim Bu Kum Sawmngiat Cinna (1913-1993) Souvenir sunga Khuado Pawi Thu a gelhna-ah hih bangin pan hi:

“Tedim gam sungah Khuado a kizat ciat hangin, lasak a kipan gamtatnate kibang kimlo hi. Bang hang hiam cih leh, omna mun kikhatlo ahih mah bangin i omna mun tawh kituakin gam min, khua min, lui minte tampi-in phui- sam, lasak leh gamtatna-ah kizang ciat hi. A kibang lo neng neng a om hangin, “Khuado ngeina kician omlo hi, ci-a ngaihsut ding hilo hi. Khuado thu i gen a kibat kim lohna zong a thupit mahmahna hi zaw hi, ci-in ngaihsut ciat ding ka deih hi.”

KHENPI – I

1. THU MAKAI

Khuado pawi i cih pen Zomite pawi neih thupi pen leh lim zat pen ahi hi. Hih pawi pen tuuk annlak khit ciang kibawl hi. Hih Khuado pawi bawl hun leh Vaite pawipi ‘Diwali Puja’ leh Kawlte pawipi ‘Mithuun Puai’ bawl hun kituak a, Khuado pawi i bawlzia tawh kibat mahmahna nei-in meitek hi. Kawl leh Vai ten ‘Khuaimeivak’ de in, Zomite in ‘Meilah’ i de hi. Hih panin Zomite pen minampite mah banga ngeina zia leh tong kicing a nei i hih lam kilang mahmah hi.

Tua banga ngeina zia leh tong kicing a nei minam picing kihi napi in, minam picing hong hisak i minam pawipi Khuado i neihna natawm a theilo tampi ki-om ding hi. Minam Pau, lai, ngeina, pawi leh khanglui vante kician a nei lote minam picing kici theilo ahih manin a it lo, a keemlo, a puah lote minam khangto suak ngeilo hi. Tua ahih manin Khangthak Zomite phawnna ding deihna tawh Khuado pawi thu kong kaihkhop ahi hi.

2. A KHIATNA

Zopau-ah ‘KHUA’ cih in khiatna nam tuamtuam nei hi. Pasian genna in ‘Khuavak’ kizangin, Dawite genna in ‘khuazing’ kizang hi. ‘DO’ i cih in zong khiatna nam tuamtuam mah nei-in, a sia lam leh a hoih lamin kizangkhawm thei hi. I it i ngaih hong zin hong lengla a om ciangin zin do, lengla do ci-in ‘Do’ zatna mun om mah bangin, hong bawlsia thei dawi leh gaalte i sim ciangin zong ‘Do’ ci-in zatna mun mah om veve hi. Zomite in ‘PAWI’ i cih pen Mikangte in ‘Festival/Feast,’ ci-in, Kawlte in ‘Puai’ ci-in, Vaite in ‘Puja’ ci-in leh Mizote in ‘Kuut’ ci uh hi.

Hih thute panin Khuado pawi pen thupha hong guan Pasian dona, lungdam kohna leh thupha ngetna pawi hi-in; A lang khat lamah hong bawlsia thei dawi leh kaute lak pan kisiansuahna dinga dawi leh kaute hawlkhia-a dona pawi ahi hi.

3. A KIPATNA

Zo taangthu suite leh thugelh masate in Khuado Pawi pen Ciimnuai Innpipa Pu Tuah Ciang hun lai pek panin lim takin kizang khin dingin um uh hi. Banghang hiam cih leh, Pu Tuah Ciang pen Zo ngeina zia leh tong a geelkhia pipa in kingaihsun ahih man hi. Tua ahih manin Khuado Pawi i neih zawh pen kum za guk peuhmah sawt khin ding hi. Khuado pawi pen khangthak ngeina zui-in Manipur gamah Tedim Chin Cultural Club makaihna tawh October 11, 1969 kumin Taang-nuam khua-ah zat kipanin, Mizoram ah Zomi Society makaihna tawh November 12, 1994 kumin Sairang, Tlawng lui-ah kizang hi. Tuipi gaalkaai Zomi ten Singapore Zomi Innkuante makaihna tawh 1995 kum panin Singapore khuapi-ah ‘Leitung Bup Zomi Khuado Pawi’ min vawhin zat hong kipan toin, tu ciangin leitung bupa Zomite omna peuhah kizang kawikawi ta hi.

4. A ZAT HUN

Khuado pawi in “NI” nei loin a hun bek nei hi. Ahi zongin a hun pen kum sim September leh October kha sung hi hamtang hi. Bang hang cih leh, Khuado pawi pen tuuk ann lak khit cianga kibawl hi a, kum khat leh kum khat, khua khat leh khua khat, annlak hun a kigual lianlian theih loh baanah, khua sungah mipite omkim lai paanga a kibawl ngeina ahih manin leh khuahunhoih hun (khapi taan hun) a kipaan ngeina ahih manin Khuado pawi “Ni” ding kiciangtan khol thei lo hi. Ahi zongin khuado ni ding leh vai khempeuh taangpi tawh kisai ahih manin hausa leh upate mah in a geel loh phamawh hi. Upate in a tunga i gen kal sungin ni khat seh phot uh hi. Bang hang hiam cih leh khualzin gamvakte tua sungin hong tung kim thei le cih deihna hi.

Lam khat panin Aizawl dan khawnga khuapite-ah Khuado pawi ni ding kician khat seh a kipsak pen a kilawm lahna om tuanlo ding hi. Bang hang hiam cih leh, khamtung nuntaak ngeina dana annlak cih bang omlo hi. Tua ahih mah bangin Mizoramah Zomi Cultural Society in 1998 kum panin Khuado ni dingin September 25 ni sehin kipsak hi. Manipur Zomite in bel October 2 ni seh uh hi. A hang in, October 2 ni pen India makaipipa Mahatma Gandhi pianni phawkna ni holiday hi-in mi kim hun awng neih ni khat ahih man hi. Hun khat ciangin leitung bup Zomite in a ni kituakin khuado pawi i zat hun hong tung lai ding hi.

5. A TUUNKHAWM TENG

Khuado pawi pen i Zomi pawi thupi pen leh lim zat pen ahih mah bangin hihna, ngimna, deihna tuamtuam tawh a kidim, a nuaia bangin tuunkhawm tampi a nei ahi hi:

5.1 Kum Khen Pawi:sim bu sungah “K – Khuado pawi – Kum khen pawi” ci-a a kisin mah bangin Khuado pawi pen Zomite kum khenna hunpi khat ahi hi. Hih pen a kitelna dingin khanglui ten “ la i cih pen thu hi,” a cih bangin Khuado pawi-a kisa la dawng khat en sai le hang:
Kum kikhen e, solkha dang e,
Ziin in a vang khua zong hen aw;
(B) Ziin in a vang khua zong hen aw,
Sian sung tui bang siang hen aw.
Tu kawl tawi kum khua I khen a,
Ningzu khum leh aisa aw e,
(B) Ningzu khum leh aisa aw e,
Khan kum sawt ciam lai leng e.
Hih la in Khuado pawi pen Zo kum lui leh kum thak khenna a hih lam kiciansak hi. Tuhun ciangin Mikang hun khenzia ‘Gregorian Calendar’ zui-in kumlui beina December 31 ni leh kumthak kaina January ni 1 ni dan i zuih zenzen hang Zo kumlui leh kum thak khenna pen Khuado ahi hi.

5.2 Annlak Pawi:pawi pen Annlak Pawi zong kici thei hi. Bang hang hiam cih leh Khuado pawi pen tuuk annlak khit bek cianga a kibawl leh tua ann thak khai thakte muanga a kibawl hi a, kum khat sung tawntung i khawh i ciin nate pana hong piang thupha khai leh ann tuamtuam aihna leh tuate hong pia, hong siam Pasian tungah lungdam kohna in a kizang pawi ahi hi.

5.3 Khuailak Pawi:pawi cianga a min thang mahmah khat pen Khuailakna hi. Khuado khuailak i cih ciangin a kimawk lak hi loin, khuaibu (khuaipheng) panin hong tung ding kum pen kum hoih ding maw, sia ding; kicidam ding maw, kina ding cihte theihnopna-a aisanna in a kizang ahi hi. khuaibu leh a note omzia panin kum thak sunga mabaan ding kithei thei ci-in khangluite in ngaihsun uh hi.

5.4 Meidet Pawi:Khuado pawi a vaamsakpi pen meidetna ahi hi. Khuado ni masa pen meilah lak ni-in kizangin “Meilah lak ni” a ci zong om hi. Hih meilahte pen pawi sung teng tawntung lim kizat mahmah hi. Dawi leh kaute dona (kaubetna, meidetna) a kipan khuasiam pasian a vaak tawh donna in zong a kizang, a kitaangsak, a kivaak zihziah ahih manin khuado pen Meidet pawi zong cih theih hi.

5.5 Siansuah Pawi:Khuado pawi pen siansuah pawi zong ahi hi. I pu i pate in mihingte a nasak, a sisak leh mihingte tunga tuahsiatna tuamtuam a tungsak pen dawi leh kaute ngawh uh hi. Tua dawi leh kaute tawh a teengkhawm hi dingin kingaihsun lai uh hi. Khuado cianga ‘Kaubetna’ leh ‘Meidetna’ in a ngiimpi pen zong mihingte a bawlsia dawi leh kaute notkhia-a innsung, khuasung, gamsung siansuah ahi hi. Zoplai ding …

ZOMI LEAGUE September 28, 2014 Results pulakna

ZOMI LEAGUE 2014 Semi-Finals kimawl ding Pawlpite

Kal khat sung Zomi Pawlpi te thunget hun ding anuai a bangin kiseh hi

Innkuan lutpih thei nailote theih ding

Innkuan lutpih ding angak Zomi akua mapeuh sazian puak nailo peuh mahin ZAM zumpi ah October 11 ma in sazian hong puak un.

Thongkia meltheih hong zasak un

Thongkia a suakta thei nailo Body No. a theisa sazian hong puak nailo Zomi akua mapeuh in ZAM zumpi ah October 11 ma in sazian hong puak un.

ZAM-ZSM pan dahpihna

Lamzang khua, Pa Zam Khan Thang leh Nu Lian Khua Ning te’ tapaTg. Pau Neih Thang(Kum 30)ZSM No. 16694lametloh kawmkalin Perak State Pantai khua nasepna mun panin September 20, 2014 ni sunin husam natna tawh alupna tung panin Pa Pasian kiang hong ciahsan hi. Sanggam pa sihna thu hong kikoh ciangin ZAM-ZSM zumpi panin Sia Tuangpu makai in Khuapih tanau teng tawh va delhpah vingveng uh hi. Sanggampa luanghawm pen Manjung Zatopi ah na kipuak a, Siavuan/ma te’n zong deihsakna leh lainatna tak tawh aluang hong etcian sak dikdek khitciang un September 30, 2014 ni-in Pantai Khua Christian hanah lungkim huai takin kivui thei hi. ZSM member ahihna tawh ki zui-in ZSM in zumvai khempeuh leh kivuina sumbei khempeuh sik pah hi.

Tg. Pau Ngeih Thang tungtang ah adah akap khempeuh tawh akibangin ZAM-ZSM zumpi panin ihdah khawm hi.

Tukal Palaai te buaipih diak teng

Kai Sian Mung (Vangteh) September 29 ni-in Ampang zatopi ah ki buaipih.
Lam Za Cin (Laatui), ni 3 sung UKM zatopi ah ki buaipih.
Pau Khan Khual (Anlangh) September 30 ni-in ACTS ah ki buaipih.
Donnu (Taakkhawl) October 2 ni-in IPR ah ki buaipih.
Zomi thongkia Bukit Jalil ah mi 6, Lenggeng ah 3, Langkap ah 7, Malaka ah 4, Semenyih ah 3 leh Tanah Merah 1 UNHCR-OPI ah ki report sak.

Visa 93 vai aki buaipih pawlkhat

Abeisa thupuak sungah ih tangkosa mahbang in 01 October 2014 ni in Kuala Lumpur US Embassy ah Visa 93 vaitawh kisai minam tuamtuam Interview dingin ki paipihthei hi.

NL Cing (Zomi), Galau Bawm Htang (Kachin), Nant Nin Phaung (Karen), HMon (Mon), Ro Si (Mara), Timothy Thang (Hakha), May Zin Oo (Burmese)

03 October 2014 ni inzong Sui Sui vai US Embassy ah ki buaipih hi.

US Visa vaitawh kisai theihhuai pawlkhat ihki hawmsawnnuam zel hi. Adiakdiak in na innkuanlai leh Certificate thupi khempeuh US leh Malaysia nakikhak uhciang in Register bawlhamtang un. Ahih theihleh DHL, FedEx, UPS, USPS, etc.. cihbang in Postal Service amuanhuaite mah zangzaw mai un. Sum tambeizaw khamahding a, ahi zongin muan-huai zawpah hi. Na khakna mun ah atun keileh ki kankikziau theihi. Na lai thupi te uh lamkal ah a mangthang lohding thupi hi.

Nasep zonna ah ahi zongin, na zumvai ah ahi zongin Interview khatpeuhpeuh napaiding ciangin ki ginkholh sitset pen hoihpen hi. Khialh omlozaw thamtham hi. Thu nagen ciangin gensetset theihding thupi hi. Ciamnuih gen hilo nahih manin, nuiphiamphuam sa khawngin gending hilo hi. Gennop tampi leh genkhiatding kilawmlo tampi tawh khawlbawl photni. Atelsiam dingin Topa’n thupha hong piata hen!

KHUADO pawipi bawlna ding mapan khopna apiasa teng

Khua kipawlna, Mimal leh Pawpite

Anlangh RM200
Buan RM100
Buanli RM100
Chiantagyi RM100
Cikha RM100
Cingpikot RM100
Darkhai RM100
Dimlo RM100
Dimpi RM100
Haiciin RM100
Haupi RM100
Heilei RM200
Kansau RM100
Kapteel RM200
Keltal RM100
Laaitui RM200
Lalta RM100
Langzang RM100
Laibung RM100
Lailo RM300
Lailui RM200
Lamzang RM100
Lingthuk RM100
Luangel RM100
Lunmual RM100
Mualbeem RM200
Mualnuam RM100
Mualpi RM100
Mualzang RM100
Muizawl RM100
Ngalbual RM100
Ngalzang RM100
Ngente RM100
Pangsak RM100
Pangzang RM100
Phaileng RM100
Phaiza RM200
Phunom RM100
Pimpih RM100
Saipimual RM100
Saizang RM200
Sezaang RM200
Singgial RM100
Singunau RM100
Singzung RM100
Suanghoih RM200
Suangphei RM100
Suangsang RM100
Taakkhawl RM100
Taaklam RM100
Tedim Suangpi RM200
Teeklui RM100
Thalmual RM200
Thangkai Suangpi RM200
Thangsan RM100
Theizang RM100
Tongsial RM100
Tualzang RM100
Tungtuang RM100
Tungzang RM200
Tuidil RM100
Tuikhiang RM100
Tuilangh RM100
Tuimang RM100
Tuimui RM100
Tuipi RM200
Tuisau RM100
Tuithang RM200
Tuivial RM100
Tuizang RM100
Valvum RM100
Vongmual RM100
Zampi RM100
Paan Khup RM50

Khua 73, Mimal 2 leh
Pawlpi 17 kihel khinta.

Taung Za Lat (Philip Mawngpi) RM300
Christ Mission Fellowship RM200
Evangelical Baptist Church RM200
International Zomi Christian Church RM200
Malaysia Laipian Pasian Pawlpi RM200
Manaa Zomi Christian Church RM200
Myanmar Believers Fellowship RM200
Rawang Zomi Innkuan RM200
Shalom Christian Fellowship RM200
Sunway Emmanuel Church RM200
Zion United Pentecostal Church RM200
Zomi Adventist Church RM200
Zomi Catholic Community Malaysia RM200
Zomi Christian Assembly RM200
Zomi Christian Fellowship-Canaan RM200
Zomi Christian Fellowship-Kajang RM200
Zomi Christian Fellowship-Kota Damansara RM200
Zomi Ebenezer Malaysia RM200

Zomi Idol 2014 kihel ding teng

Nang Khan Muang
Langh Khan Lian
Khan Tung Tuang
Gin Sian Khai (Khailek)
En Khup
Lian Deih
Ning Sian Muang
Gin Tung Tuang (Solomon Ginpi)
Zen Lian Cing
Sawm Tung
Thang Ngo Lian
Dal Khan Mang
Cing Sian Huai
Man Sian Cing
Cin Suan Mang (Mangpu)
Niang Lian Cing (Nu Lek)
Hang Sian Khai (Sian Khai)
Piang Khawm Khai (Khawmno)
Pau Do Suum
Suan Pian Mung (Mungpi)
Dim Sian San
Pum Sian Mang (Mangpi)
Go Sian Khai
Nang Sian Cin
Pau Za Mung
Mary Huai Sian Tawi Kim
Suum Ngaih Muan
Go Mun Pau (Pausan)
Man Khawl Niang (NL Niang)
Zompi
Nang Khan Lian (Lianpi)
Pau Khan Mung (Sawbua Mung)
Zam Khan Khual (Khualno)
TZ Khaipi
Kam Sian Niang (Niangnu)
Mang Khan Khual
Suan Ki Thang (Ki Thang)
Kap Lian Thang
Cingneu
Thang Khua Khai
Nang Leem Sang (NL Sang)
Cing Nem Niang (Lucy Nem)
Abraham Kham
Bia Khan Kap (Kappi)
Lal Kim
Cin Van Kim
Zen Sian Pau
Zam Khen Pau
Thang Muan Lian Pau (Muanpi)

Zomi Idol kidemna ah Zomi lasiam 49 hong kihel thei uh hi.

Health Equity Initiatives (HEI) tintan

October 2 ni-in HEI makaihna tawh HIV natna tawh kisai tintan piakna ah kikah thei hi.

Hehpihna tawh hong kanpih un

Thang Khua Suan (Tuilangh) Penang panin May 30, 2014 ni-in Palik te’n manin a puakna thong laih kawikawi ahih manin a theikha na om zenzen uh leh hehpihna tawh a sanggampa Nang Lian Mang 016 321 3709 tungah hong zasak un. Lungdam!

TUNE Insurance Card kingahta

September 17 ni ZAM hall a Tune Insurance leite na card uh kingahta ahih manin ZAM ah hongla un.

TUNE Insurance te hong paikik ding

October 8 ni 9am-5pm kikal Tune Insurance te hong paikik leuleu ding ahih main alei nuam khempeuh in ZAM hall ah hong pai un.

Lungdamkohna

Monica Muangnu (Saizang) in tukal Thupuak bawlna ding RM50 hongpia khia ahih manin ki lungdam mahmah hi.
Paan Khup (Lawibual) in tukal Thupuak bawlna ding RM50 hongpia khia leuleu ahih manin ki lungdam mahmah hi.
Tuilangh khuami Thang Sian Tung leh Nang Lian Mang te unau in tukal Thupuak bawlna ding A3 dal 500 hong pia ahih manin lungdam ihko hi.
Zomi Adventist Church pawlpi panin tukal Thupuak bawlna ding RM50 hongpia khia ahih manin ki lungdam mahmah hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Anuai a PDF lim tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…