Malaysia ah NGV Gas bungkhat puakkham, mi 1 si
Malaysia, Johor aom mawtaw sathau thunna Petrol Station khatah Gas puakkham ahih manin mi khatsi cih Bernama News pan kiza hi. Tuni Tuesday (25 October) ni sunlampawl thupiang hi a, Johor aom Taman Mount Austin Petrol Station pan ahihi.
Civil Defence Department pan thuneikhat ii genna ah asipa pen Petrol Station ah nasem in aomkhat hi a, aminpen Mohd Faizal Mazlan hi ci’n pulakkhia hi. Mawtaw sungah Datsi, Diesel tangdingin akizang Natural Gas Vehicles (NGV) kikoihna Gas bungpikhat puakkham in, agei aom nasempa in asihlawh ahihi.
Bernama News te pulakna ah aluanghawm pen Hospital Sultan Ismail ah kipuak ci uhhi. Asipa pen kum 33 phakhin hi.
Thuneite genkhiatna ah sun 3:01pm hunin Malaysian Civil Defence Force te kiang ah Emergency Call kibawl a, tuapan in mi 13 in delhpah ci uhhi.
Tuaban ah zato mawtaw Ambulance khat, Toyota Hilux Truck khatleh Motorcycle nihzong kizang in aphual ah kidelhpah hi. Aphual ah kumpi thuneite’n sitcianna neilaiding uhhi. ZD Sawltak #zomidaily
Comment piaknop aomleh...