Motorcycle khattung ah mi 10 tuangin Promotional Stunt abawl te kiman
Sengam ah Motorcycle zuak khatin amauzuak Motorcycle te khauhmahmah, tomahmah cih alahnopna in Promotional Stunt bawl a, mi 10 tak tuangkhawm ngeingai uh ahih manin, saineipa matthuak cih SCMP pan kiza hi.
Southwestern China, Sichuan Province, Yufeng khuasung ah Saturday ni in thupiang hi ci’n Beijing Times te’n genkhia uhhi.
Tua Scooter Shop saineipa leh anasem alawmte mi 9 tawh Motorcycle khat tuangkhawm ngeingai uh a, “Classic Motorycle Pyramid Trick” ci’n Yufeng khuasung damdung tengah vakkhia uhhi.
Motorcycle anunglam ah atuang khatpa in Signboard khat tawikawm a, hih Motorcycle tepen hoihmahmah, khauhmahmah in pasal cingteng mi 10 puazo hi cih alahkawm in, adang khatpa’nzong Megaphone tawh awngkawm zaza in khuasung ah vakkawikawi uhhi.
Hihbang in pasal mi 10 tak tuangkhawm ngeingai in khuasung avakpen amukha te’n muhnopsa, lamdangsa uh a, Photo leh Video kizaihpah ngeingai in, Social Media tungah ki lawntopah zihziah cihi.
Ahi zongin hihbang in Motorcycle hoihna atangkona mipi te’n alunglut mahbang in, Traffic Police te’nzong hihte gamtatpen nalunglut uh a, nazuipah uhhi.
Tuaciang in Scooter Shop saineipa pen matthuak a, Public security bureau te’n liausum 490 Yuan (US$75) apiaksak banah, tuapa Licence pain Point 2 ki dawhkhiat sakpah hi.
Police te genna ah hihbangin Motorycle khat tungah mi tampi tuanpen mipi lauhuaisak, bekthamlo Safety Helmet lukhu akhuzong omlo uh a, khukhun palsat uh cihi. Motorcycle khattung ah mi tampi tuanpen Insurance Policy tawhzong kituaklo ci uhhi.
Related: Ambulance leh mawtaw kitaihkha in, Motorcycle honkhatzong nawkgawp
China gamsung ah mawtaw hawlna Licence pen Point 12 tawh kipansak uhhi. Lamzik thukhun azuihloh uhciangin tua Point te dawhkhiatsak uh a, avekin Point 12 aki dawhkhiatsak tepen Licence zong ki lakkiksak hi. Sawltak #zomidaily
Comment piaknop aomleh...