Kuala Lumpur, Batu Caves naupang amangcip pen Fridge sungah asisa in kimu

Kuala Lumpur, Batu Caves naupang amangcip pen Fridge sungah asisa in kimu

Malaysia, Kuala Lumpur, Batu Caves ah zanni in naupang pasalno kha 5 bekbek aphapan khat mangcip hi ci’n ki Report hi. Tua nangpangno pen tua naupang akem “babysitter” te ii innsung aom Refrigerator sungah asisa in kimukhia cih NST pan kiza hi.

Police te genkhiatna ah tua naupangno ii aluanghawm pen nitaklam 10:30pm hunpawl in naukemnu ii innsung Refrigerator ii Freezer Compartment sungah akihencip, asisa in aki mukhia hi ci’n genkhia hi.

Tua aluanghawm aki muhkhiat madeuh in naupangno ii apa in atapa mangcip hi ci’n Police Report bawl hi. Tua naupangno pen naungek akepsak Babysitter te innpanin apa akineih khatin dawnkhiakhin kici hi. Ahi zongin apa taktak in atano uhpen dawnnailo in, tuaciangin atano amangcip ahihlam kithei a, apa inzong amanlang in Police Report abawlpah ahihi.

Video: A five-month-old baby boy, who was reported missing yesterday, has been found dead inside a refrigerator at the babysitter’s house in Taman Nakhoda, Batu Caves. Police said Adam Rayqal Mohd Sufi’s body was found stuffed inside the freezer compartment of the fridge on the second floor of the house, at 10.30pm last night.

Tuaban ah apa in atapa ii Photo pen Social Media ah khahkhiapah in, katapa mangcip hi, hong zonpih un, atheikha te’n hongzasak un ci’n huhna ngenpah hi.

Gombak police chief Asistant Commissioner Ali Ahmad in agenkhiatna ah tua amangcip naupangno pen Napkin khattawh kituamcip in, Green Zipper Bag sungkhat ah ki guancip cihi.

Hih naupangno mangcip cih Police Report akibawl ciangin kum 33 aphakhin tua naupang akem Babysitter leh tua innsungah aompih kum 36 aphakhin khatte kimanpah in, thudotna kineipah hi.

Tua naupang akem te ii athugen Statement ah agen uh hibanglo ahih manin, Police te’nzong naupang kepna innsungteng zonkhiatding kipanpah uhhi.

More: Naupangno khat mawtaw sungpanin akiatkhiat laitak Video Clip ki thehzak

Tuaciangin Babysitter innsung panin naupangno ii aluanghawm aki mukhia ahihi. Naupangno ii aluanghawm pen Kuala Lumpur Hospital ah kipuaksak a, tuapanin asihna ahang Postmortem kibawlding cihi. Anu apa te’n bangzah in na asazendiam? Video sungah nupi khatin na salua in akap vangvang laitak ki muthei a, athuak ziading ngaihsutpih ciangin lainat huai mahmah hi. Sawltak #zomidaily