Gambel mipite tawh ki muhkhopnang sapna
Tulaitak UN vai tawh kisai DHS, RSD, Final rejected, card ki piakik nawnlo te tawh kisai UN vai buaina tuamtuam ih tuah khak nate pan bangcih leng mailam ah kipelh thei ding cih kalsuan zia ding kikum khawm nuam ih hih manin Pastor te, Pawlpi upa te, Khuamakai te, card ki laksak te leh reject a tuak te a kipan mipi a tam theithei ih kihel kim ciat nangin kizasak sawn ciatni. Ih zum vai bangci phut ding cih idea/Ngaihsutna zong hong pua kawmin thusunna nei dingin hong kiging un.
UN vai tawh kisai phut theihna khempeuh ah kiphu ding ahih manin ih phutkhak haksatna leh ngaihsutna te gawmkhawm ni. UN laidal tawi ngeisa khatpeuh in hih thute hangin haksatna a thuaklawh aom leh ZAM zum ah hong puak, zasak pah un. Tuaban ah pawlpi sia te kiang ahih kei leh ZAM zum ah na UN laidal copy khat leh tulaitak a na phone No. uh nungkal a ZAM thupuak a limtawh hong kisuaksak bangin nongpuak nangun deihsakna tawh kong zawn uhhi.
A mun : ZAM Hall
A ni : 05 February 2018 (Monday)
A hun : 3:00 PM – 6:00 PM
ZOMI NAM NI 2018 A DING NGETNA LEH LUNGDAM KOH NA :: Malaysia a om Zomi ten kumsim a i bawl den i minam ni a sawtloin hong tung ding hita hi. Abeisa kumte mah bang in tukum zong thupitak leh picing takin bawl theih na dingin 08 November 2017 in ZAM zumpi ah kimuh khop na kinei hi. Tukum zong nopcitak leh picingtak a i bawl zawh na’ng sum leh paai tampi hong kisam ahih manin ih septheihna ciat pan lawptak apang khawm liai liai dingin muanna lianpi tawh Zomi Nam Ni Committee min tawh kong zawn uhhi. Zomi Nam Ni adingin sum leh paai tam pi mah kisam a I pankhop ngeina bangmah in tutung zong Khua kipawlna te panin RM 200 leh biakna Pawlpite panin RM 300 tawh mapang khawm dingin I kizawn hi.
Zomi Nam Ni fund zonna in Lucky Draw zong kibawl a, khat ciang in RM 10 tawh pawlpi tuamtuam ah kila thei hi. Ih Mi Nam Ni pawipi bawl theih nading fund zonna ahih mahbangin a kua maciat in hanciam in la tangtang ni cih ih kizawn phapha hi.
ZOMI NAMNI A DING MAPANG TENG
- 1. MLPP Pawlpi RM300
- 2. Phunom Innkuan RM200
- 3. Vongmual Innkuan RM100
- 4. ZEM pawlpi RM300
- 5. Mualbeem Innkuan RM200
- 6. Darkhai Unau RM200
- 7. Cikha Khua RM200
- 8. Tuilangh Khua Kiawplna RM200
- 9. Lunmual Khua Kipawlna RM100
- 10. Ngalzang Khua Kipawlna RM200
- 11. ZAC Pawlpi RM300
- 12. Ngennung Khua Kipawlna RM100
- 13. Tuidil Khua Kipawlna RM100
- 14. MZCC Pawlpi RM300
- 15. ZCF-Canaan RM300
- 16. S ZCWC –Pandan Indah pawlpi RM300
- 17. Laaitui Khua Kipawlna RM200
- 18. Singunau Khua Kipawlna RM200
- 19. EBC– KL RM300
- 20. ZCA Pawlpi RM300
- 21. Mualzang Khua Kipawlna RM200
- 22. Buanli Khua Kipawlna RM200
- 23. Zion UPC RM300
- 24. ZCF-Kajang RM300
- 25. Malaysia Tedim Suanpi Innkuan RM200
- 26. Pangzang Khua Kipawlna RM100
- 27. Phaiza Khua Kipawlna RM200
- 28. Thangkai Suangpi Khua Kipawlna RM100
- 29. Tualzang Khua Kipawlna RM100
- 30. Hosana Christian Fellowship –KD RM100
- 31. Vangteh Khua Kipawlna RM200
2018 ZSM LAIBU KINGAH TA HI :: Malaysia zomi Genvai Kipawlna (ZSM) 2018 a ding ki lut theita a, ZSM laibu te zong kila theita hi. ZSM lut man mi khat ciang kum khat ai RM 20 hi a, hih na lutna hang tawh ahamsa adong tuak I mipih te a panpih, a dah akap hun ah a khitui anulsak na hi gige hi. Hih ZSM ah member na lutna in nang ading a pia na hikei a, panpih na akisam te a panpih na hi zaw hi. ZSM ading panpihna zong kipia thei a, mimal, Khua kipawl na leh Pawlpi mintawh kipia thei hi.
ZSM ading Pawlpi, Khua & Mimal panpihna hong pia te
- 1. Mualnuam Khua Kipawlna RM200
- 2. Zam Sawm Thang (Suangpi) RM50
- 3. HCCF Pawlpi RM350
- 4. Myanmar Mission Church RM300
- 5. MBF Pawlpi RM300
- 6. Shalom Christian Fellowship-KD RM300
- 7. Mualbeem Innkuan– Malaysia RM200
- 8. Chanthagyi Khua Kipawlna RM100
- 9. ZEM Pawlpi RM500
- 10. Zomi Adventist Church Malaysia RM300
- 11. Manna Zomi Christian Church RM1000
- 12. ZCF-Canaan RM300
- 13. Malaysia Tedim Suangpi Innkuan RM200
- 14. Saizang Khua Kipawlna RM200
LUNGDAM NA KICIAM TEH :: Agape Zomi Church-Puchong pawlpi kem Sia Thomas Piang te innkuan in ZAM zum a dingin ELBA Vacuum Cleaner set hoih mahmah khat hong piakhia ahih manin lungdamna lianpi ih pulak hi. Topa’n siapa te innkuan a thupha tawh hong tuam in hong zat sak semsem tahen.
ZAM AH THUNGETNA HONG NEIHSAK :: Pa Thang Sian Mung–Phaiza, Zolia Sancingpa in Pasian leh a Zomi pihte aveina tawh 06 April 2015 (Thursday) ni akipan tu ni dong, khathak kal masa simin ZAM ah palai te thu hong ngetpih den hi. February kha ai dingin 01 February 2018 ni-in thungetna hong neihpih in kilungdam mahmah hi. Topa’n Zomi te ading hong zatsak semsem tahen.
PALAI TE KHASIM THUNGET KIZOM :: ZAM palai te khasim thunget khopna kizom to a, Zion Assembly Pandan Indah pawlpi kem Rev. Cin Khen Mang in hong makaih hi. Siapa in zum nasep na tawh kisai feedback piakna leh Pasian kammal tawh thapiakna hong nei a, Malaysia om Zomi te a dingin thunget khopna zong kinei hi. Topa’n siapa hong zang semsem lai tahen.
ZAM ZUM AH HONG HAWH :: Victorious Living Assembly pan Evan. Mang Khat Khan leh Sia Suan Khan Thang, te in Zomi te a it a vei na uh tawh kizui in ZAM zum pansan in Zomi te a ding thunget sakna hong nei ahih manin ki lungdam mahmah hi. Topa’n a thupha tawh hong tuamsak semsem tahen.
ZAM ZUM AH HONG HAWH :: SURCON (MYANMAR) Co.,LTD pan Managing Director Tg. Lian Suan Khai leh Project Manager Lia Niang Sian Lun te in Malaysia ah training kah in hong pai sungin ZAM zum ah hong hawh uh a, nasep zia tawh kisai thu tampi mah kikup khopna kinei hi. Topa’n a nasepna te uh ah hong lawh cing sak semsem in minam a dingin thupha hong hisak tahen.
KAWLGAM CIAH NANG KIVAI HAWM SAK :: ***Ngente khuami Nu Dim Ngaih Kham leh ata Lian Deih Piang te Tanah Merah Camp ah om in amau leh amau in kawlgam ciah nang vai hawm zolo ahih manin ZAM zum pan in kawlgam a ciah nang a kisam sum leh paai a kipan vai te kivan sak hi.
***Tengkazah khuami Tg.Thang Sian Pau pen KLIA camp pan in a huh a van ding omlo ahih manin ZAM zum pan in a ciah theih nading a kisam sum leh vai khempeuh kivan sak hi.
ZAM ZUM AH THUNGETNA KINEI DING :: 10 February 2018 (Saturday) ni ciangin Zomi’ Taangmi Thungen Pawl makaih na tawh ZAM hall ah 11:00 AM pan kipan in Zomi te a ding in thungetna kinei ding hi. Ih kihel kim ciat nang in zong ih kizawn phapha hi. Contact – Rev. Zam Suan Kham 017 332 0137, Sm Ciin 018 2688 752
WELCOME TO ZAM :: Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.
KIMAT KIHEN NA TUAK LEH : Zomi te kimat kihen na tuak uh leh Sia Tuang Pu 016 254 4093 Sia Go Mang 018 202 1216 Zato lam tawh kisai in vai khat peuhpeuh na neih leh Contact : Sia Khuppi 011 3563 2059 Sm CiiCing 0111 282 8482
A (12) VEINA ZOMI BUP CRUSADE PI SAPNA
- Speaker: Evan. Thang Lam Mung
- Motto: AThak Nuntakna Lamah 2Cor.5:17
- Ani : 15 – 17, Feb. 2018
- AHun : 5:00pm – 9:30pm
- AMun : Kuchai Lama ( FGA )
THEIHSAKNA :: Bus Pawlpi pan leh avengveng pan in Ciah leh kuan a dingin ki vaihawm ahih manin no mau Pawlpi leh Veng tek pan Bus Leader kikoih ahih manin na kan ciat un.
*Ih Crusade Bawlna mun FGA Huangsung leh Huangpua lam ah Security dingin (pute) kikoih ding ahih manin akua mah peuh omdan, tatdan siam ciat ni.
ZAM Thupuak PDF File >>>
ZEC ah Sangsia Kisam :: Zomi Education Center – (ZEC) ah Mangkam tawh laihilh ding hunbit Sia/Siamah zomi naupangte abucing khantohna ah hong pattah sak ding sia khat kisamkin mah2 ahihman in kong tangko uh hi.
*** Zomi a ding hong kipia khia zo a om leh : Lovegift RM1,000, Single, Hostel ah om thei ding. Theihbeh nop a om leh (Sia Paupi: +60163592048)
***Tuaban ah sangsap ding neihloh hang sangkah nuam vanvan napi sang kitawpsak kha a om leh a manlang in hong zasak un.
Nasep tawh kisai :Sia Khuppi – 016 3838 014, 01135632059
LUNGDAM KOHNA
1. Dimlo Khua Kipawlna RM50
Panpihna hongpia khempeuh tungah genzawhloh lungdamna lianpi ZAM pan kong tangko uhhi. Hi danin I pan khopnate hang in tuni dong a kalsuan zo I hihi. Topa’n Zomite adingin mapang zo semsem dingin thupha hongpia tahen.
Comment piaknop aomleh...