Guaktangphial in Waitress asemkhat Facebook tungah ki mawhsak mahmah

Guaktangphial in Waitress asemkhat Facebook tungah ki mawhsak mahmah

Thailand gamsung aom niangtuisai khatah Waitress asem numeikhat, aguaktang dekphial in kidawksak in silh ahih manin, Facebook tungah ki ciakngeingai cih The Nations pan kiza hi.

Tua numeinu pen Thailand, Chon Buri’s Sattahip District sung aom Coffee Shop khatah Waitress asem ahihi.

Facebook User “Krua Sahapat-Laem Chabang” akici khatin Facebook tungah tua numeinu in guaktang dekphial in sabuaitho “Waitress” aseplaitak Photo khahkhia hi.

Tua Photo sungah Waitress asemnu pen numeino, akhangmoilai mahmahkhat hi a, puansungsilh Bras bangmah silhvetlo in, anuailam ah bombisungten “Underwear” bek teng cihi. Amailam anawite themkhatbek aliahding in Apron dialneu khatbek okziau hi.

Tua Photo amuhkhak ciangin adiakdiak in Thai numei te hehthei mahmah uh a, kosukpah ziahziah uhhi. Photo aki khahkhiatzawh nai 5 sung bekbekin Comment 3000 val phasukpah a, Reaction 21,000 leh Share bekbekzong 8800 veibang ki Share pah zihziah cihi.

Comment pawlkhatte’n na Coffee Shop aminthan nadingin hihbangin Promotion nabawl sese kul ahiam? Coffee sai ahong nahiam? Numei kizuakna “Brothel” ahong hizaw nahiam? ci’n Facebook user Benyapa Rungkitsataporn in kawksuk pahgiap hi.

Thailand pen gamdangmi te’n numei kizuak atam mahmahna gamkhat in hong ciamtehkhin uhhi. Hihcibang Promotion peuhmah zatkul seselo in, Profession naseptheih omlua hi. Midang, gamdangmi te’n bangci bangin hong ngaihsunding uh cih phawk in ci’n Comment giap hi.

More: France, Paris khuasung ah guaktangbek in aki nektheihna ansai khat kihongthak

Adang Facebook User khat ahi Arisara Suwattanakorn inzong Coffee Shop nakhot nadingin Promotion bawlnading in guaktang kisam seselo hi. Nasai ah hongpaite Coffee dawnding in hongpai uh hi a, ci kimeksakding hongpai uh hilo hi. Massage Parlour hilo hi. Hihbangin Coffee Shop ahong, aneite leh nasem Nude Waitress te maizumhuai mahmah hi ci’n Comment piasuk hi.

Thailand pen Buddhist gamkhat hi a, ahi zongin numei pasalvai ah pawlkhatte uangtatthei mahmah uhhi. Sawltak #zomidaily