YouTube Headquarters sungah numei khatin thautawh mikapliam, amahzong kikaplum

YouTube Headquarters sungah numei khatin thautawh mikapliam, amahzong kikaplum

USA, California, San Bruno aom YouTube Headquarters ah thua kikapna piangin numeikhat si cih Fox News pan kiza hi. Police te genkhiatna ah tua numei asipen thautawinu “Shooter” hiding in ki ummawh ci uhhi.

Tua numeinu in YouTube Headquarters sungah thautawh mi phialkap in, mi 4 bangin liamlawh uhhi. Tuakhit ciangin tua numeinu pen amahleh amah thautawh aki kaplum hi ci’n Police te’n genkhia uhhi.

Hospital Officials te’nzong KTVU tungah agenkhiatna ah cina aliam pawlkhat hongkipuak ci uhhi. KGO-TV te’nzong tua thautawi pen numei khat hi a, alu pen Headscarf lutuam tawh atuamkhat hi ci’n genkhia uhhi. Police te’n ahihleh tua thautawi numeinu pen bangmah gencianna neipahlo uhhi.

Hih thaukikpana amukha te’n agenna ah tua numeinu in alawmpa “Boyfriend” pen thautawh kapmasa in, tuakhit ciangin amahleh amah thautawh aki kaplum hi ci’n genkhia uhhi.

Video: Police confirmed Tuesday that a woman believed to be a shooter opened fire at YouTube headquarters in San Bruno, California, wounding at least four people before apparently killing herself.

Kumpi thunei Authorities te’n Los Angeles Times ah agenkhiatna ah hih YouTube Headquarters sung thaukikapna pen migilo te ngongtatna Terrorism hiloding hi ci’n genkhia uhhi.

San Bruno Police te’nzong thaukikapna om ahih manin, ki buaipih hi ci’n Twitter tungtawn in gelhkhia uhhi. 901 Cherry Avenue leh Bay Hill Drive sungteng ah thautawi khat om ahih manin, tuakuam sungah kuamah in nawkkha kei un ci’n Twitter tungah zaksakna nei uhhi.

More: Thailand, Pattaya tuipinawl ah numei pasal aomkhop laitak video ki khahkhia

San Bruno City Manager Connie Jackson in KTVU tungah agenkhiatna ah thau akikap masakzawh naikhat khitciangin bangmah buaina omnawnlo, lungmuanhuai dinmun hita hi ci’n genkhia hi. Google Communications te’nzong Twitter tungtawn in hihvaitawh kisai kumpi thunei te’n akancian khitciangin mipi tungah zaksakding akilawm aombang in hongki zasakkik dinghi ci’n gelhkhia uhhi. Sawltak #zomidaily