NATO te thu ki kupna ah

NATO te thu ki kupna ah

NATO te Newport, Wales, UK, a thu ki kup na ah UKrain leh IS thu te kikum uh hi.Ukrain te thu tawh kisai in Russia te nakpi tak in mawh sak na thu ngen a, Russia deih te galkap tha tawh kilang tangntak in huhin Ukrain galkap te taeh ki kap hi cihi.Ukrian te nget thauvui thautang te zong huh sawm uhhi. Hih Russia deih te tawh ki do na ah, Ukrain galkap aliam a bai te zong NATO kipawl na gamte in, a mau gam vuah zato ah kibawl thei ding in huh sawm hi. Tu ma in Germany gam ah Puak uhhi. Russia president Putin in bel Mongolia gam ah hawh ma deuh sep.3 ni in Ukrian te tawh kilem na bawl ding in ngelna nam 7 nei ci in Ukrian President pa tawh Ph.tawh kihopih un cihi..Ahih hang in NATO te in Russia te in bangmah kal suan lo ci ahih man in Russia te in atha man uh san ding hi cihi.

Tua laitak in ISIS te pen atup a sawm uh tang tung dingin ki ngaihsun uhhi.Muslim gam te in a pan pih ding in zawn uhhi.NATO a kimuh khawm na vuah Obama in Jordam kumpi Abdullah kiang ah IS leh Islamist Miliati te thukup pih in, IS te in US te nih hong thahsak uh pen heh mah mah un ci in gen hi.Joe Binden in ah Syria gam hell khuk dong zuiding cihi.IS te in UK a vua na tawh kisai in,PM Cameron in UK leh US te pen adai khikhe ding hilo hi ung cihi.

Al-Qaeda cheif Ayman al- Zawahri in India, Bangladesh leh Kawlgam gamgi dung ah IS te koih ding cih thu gen khia hi. India pen Kashmire buai na hang ci in gen a, India Home minister Rajnah Singh in zani in agen na ah Security te leh thusin kante tawh kikup na ka neizo uh hici in, hih thuhang in India kumpi in patualo in nakpi tak in ka ki ging uh hi cihi.2008 kum in Pakistan a gamnuai mi galkap pawl khat in Mumbai hong sim ngei uh a mi 166 si in, tua a kipan nasatak in panla uhhi.IS te in Kawlgam pen gamsung a kibuai na hang in , vua bawl uhhi. Kawlkumpi te in zong US te tawh thusim lam kizop na ka nei uhhi. Hih thu tawh kisai in, bang mah hong gamtang zolo ding uhhi.Tu ban ah Vanleng tual ah zong x’ray kikoih ban ah bomb sitna zong om khit pek hi cihi.

Israelte in zong hih IS te hang in alung uh hi mawh a, Syriate tawh ki eui tui loh hang Syria kumpi hih leh hoih zaw hi cihi.Tu ahih leh Golan ciang dong hong nawk in, hong buai sak ban ah, Palestinia te gam khat a ding sak ding ci in, tua ban Israel zong hong vua la hi cihi. Israelte in agen na ah Israeli America journalist athat na hang in US te tawh makhawn ding hita hi un cihi.

Bossia gam ah zinling nahang in, mine khuk sung anasem a om mi 34 te ana sep na uh kua hawm ki khak nalh hi. Mi 22 te ahih leh pusuak thei uhhi. Ahih hang in akikhak nelh mi te ahih leh kihopih thei in, lung nuam om hi ci in kumpi thu nei te in gen hi.

Ebola natna nei te khoi nahang in,Dr. Richard Sacra in Liberia gam pan natna ngah hi. Hih Ebola natna khoi na hang in,US te mi thum natna ngahkhin tahi.A dang nihte ahih leh cidam in zato pan tuak thei uhhi.Dr.Richard zong US gam ah akibawl lai tak hi.Hih natna hang in mi 1900 val sikhin in 3500 in natna nei in , mi 20,000 kimbangkilawh thei ding ci in WHO in gen hi.

THE THU

Mipil te in the atui la in hoihtak in, nate thu akan na inn khan sung ah koih uh hi.Thetui pen keuh ta ding cih athei uh tak ciang hoihtak in en in aom dan teng khum uhhi.Khat pa in the tuipan the pusuak ding pen a pusuak baih na ding ci in, the tui hawng a khut tawh kheh in, the zong awl tak in pusuakthei hi. A hih hang in the pen hong gol semsem in , kha zong neilo in sihi.A dang pen ahih leh ama ngei na bang in apua pan pusuak leh thei pen sisan naisan omsa in hon pusuak hi.Tua sidan naisan asuah na pan in akha a mul dingte hong po in hong picing in hong leng thei hi cihi..Hih the bang mah in ih nuntak na ah haksa na, ze et nate zo zo hi leng gual zawh na ngah ding hi hang.Israel e zong Kanaan gam sung a tung uh ciang Pasian in Filistia Ulian nga te na sumai sak lo in koih hi.Bang hang hiam cih leh Mosse thupiak ahi Pasian thupiakte zui hiam cih ze etna hi cihi. (Thukhente 3:2-4)Pasian deihbang in omlo in, ngawng khauh in ka om uh ciang Pasian in dan hong pia in, sal hong tangsak in,ahih hang lungsimtakpi tawh Pasian kiang ah ka zuat uh ciang Pasian in simzawhloh a thupha te hong pia hi cihi. (Israel PM Nentanyahu) Ref: the star paper, jpost, time,7day news. Cin Ngaih