USA, Atlanta pan Pa Thang Khan Mang (Mualnuam, Gualnam) in hongnusia

USA, Atlanta pan Pa Thang Khan Mang (Mualnuam, Gualnam) in hongnusia

Mangpha Pa Thang Khan Mang (Kum 61) Gualnam Beh: Mualnuam Khuami Atlanta, GA aa ateng Pa Thang Khan Mang in abeisa February 16, 2021 in Covid hang in zato tung in hongdam hang in natnagil nei sa ahih man in recovery zo nawl lo in hongnusia chih thu izak man in ZIUSA kipawlna mintawh dahpihna i pulak hi.

Pa Mang pen Zomi te kipawlkhopna Zomi Innkuan Atlanta ah member khat leh ZIUSA Genvai member honglut ni 10/31/2016 pan active member khat ahih manin thumeilet bylaw zuiin (100%) Death Benefit $15000 kipiakhia dinga paakkual $150 man khattawh zong mangpha khakna kinei ding hi.

Pa Mang luanghawm tawh anunungpen hunzatkhop ding hong tungding Saturday February 20, 2021 in (Christ Mission Church) makaihna tawh, Floral Hills Memorial Garden ah Funeral Service bawl khit ciang, Rev. Pau Cin Thang in vuina nei ding hi.

More: US Kentucky pan Pa Thang Suan Khup (Mualnuam, kum 38) in hongnusia

Pa Mang hong nusiatna hang adahakap alungleng khuangai tanau meltheih khem peuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi)