Yangon khuasung kikawmna Water Bus khawlmun 2 ki behlapding

Yangon khuasung kikawmna Water Bus khawlmun 2 ki behlapding

Yangon River luidungteng ataikawikawi, khuasung mipi kikawmna in akizang “Yangon Water Bus” te’n khawlmun 2 behlapding uh cih Coconuts News pan kiza hi. Tua aki behlapding Jetty 2 leh aomsa te kigawmleh Yangon’s Waterways ah khawlmun Stops pen akigawm in 8 Jetties phato tading hi.

Aki behlapding Jetty nihte pen Dawbon Township, Maha Bandoola Bridge geinai ah khat hiding a, Hlaingthaya Township sung aom Shwepyitha Bridge geinai ah khat kibehlapding hi.

Tulaitak Yangon Water Bus pen Insein – Totataung Route dungteng ah ataisak laitak uh ahihi. Tuaban ah thunei te’n Maha Bandoola Bridge, Shwepyitha-Hlaingthaya, Aung Zeya Bridge cih dungteng ahzong ataitheih nadingin avaihawm laitak uh ahihi.

Tuabek thamlo Nga Moe Yeik Creek dungteng ahzong Water Bus taisaktheih nadingin kivaihawm cih kiza hi. Ahi zongin tua Long-term Project tepen maikum sungah ki vaihawmkhiazo panding hi ci’n Yangon Region Transport Authority (YRTA) secretary Dr. Maung Aung in genkhia hi.

Hih YRTA te vaihawmna mahtawh Jetty athak 2 te akilam, Construction vaikhempeuh amau vaihawm ahihi.

Tua aki hongthakding Jetty te panin tuanmanpen mikhat K300 hiding a, Pay Card te zangin tuanman kipiatheiding hi.

Tulaitak Yangon Water Bus pen Insein panin Botataung aki taisak hi a, Shwepadauk, Kyimyindaing, Lanthit, Pansodan cihbang Jetty te ah khawlsak kawikawi uhhi. Nisim in zingsang 6am panin nitak 8pm dong ki taisakden a, nikhat in vial 19 bang kitaisak cihi.

Yangon Water Bus System thakpen abeisa October kha kipatcillam in akihongkhia hi a, Yangon khuasung mawtaw awkcip, Traffic Problems te aphatuamding ngimna tawh aki vaihawm ahihi. Ahi zongin akipatcil in Yangon Water Bus Service pen ahun manman in taimello ahih manin, nasep kuanna Transportation zattang in kizangthei taktakmello kici a, ahi zongin athak aomngei nailo ahihna tawh atuangnuam pen tammahmahden cih kiza hi.

Abeisa January khasung in Yangon Bus System cih YBS kipankhin a, abeisa Bus taizia sangin tampi noptuam kici hi. Tu’n Yangon River sungah Water Taxi, Water Bus hongki panleuleu a, abeisa sangin tampi noptuam zawtham khading hi.

More: Tukumsung Yangon ah meikang 179 vei omkhin, Ks300 Million supna piang

Yangon Water Bus akipat masak Stops tepen Bohtataung Terminal (Bohtataung Pagoda compound), Nan Thi Da Terminal (Pansodan Street), Lan Thit Jetty (Lan Thit Street), Kyee Myindaing Terminal (Kyee Myaing Kanar Road, near Zay Gyee Street), Hlaing Terminal (Hlaing Station Road, next to Shwe Padauk Fish market), Punn Hlaing (Punn Hlaing Golf Estate), Insein Terminal (Aung Zay Ya Bridge) cihte ahihi. Sawltak #zomidaily