Thunget Kisam: Pu SB Len Cin Thang/SB Thangno

Thunget Kisam: Pu SB Len Cin Thang/SB Thangno

Zomi suangbawl lak ah akidawk mahmah ahi (L) Pu Dai Cin’ tapa Pu SB Len Cin Thang/SB Thangno dam hetlo ahih man in thungetna tawh panpih ding in hong zawn hi’ng ei guai.

Tuni EBC pawlpi siate leh upate tawh va veh ung. Thungetna kisamh pha mahmah hi.

Amah pen hun haksat mahmah lai in Zomi Party ahi ZNC anak panpih mahmah khat ahi hi. 1990 kum kitelna tawh kisai ZNC aitang in Pu Cin Sian Thang in TV ah thu agen lai in akisamh teng sik hi. Than Shwe’ hun sungteng khempeuh ZNC dinpih tiilteel hi. Pu Cin Sian Thang mahmah asum apai tawh apanpihna tampi ka theihpih hi.

Amah leh a makpa Rev Gin Khen Mang/ Sia Khenpi leh Pu SB Langhno te’n nak pahpih mahmah ahih man a Pu Cin Sian EBC pawlpi ah alut hel ahi hi. Anung teh Pu Ginkam Lian zong EBC pawlpi ah lut hi. (Sia Khenpi in bel nang zong nong lutvet ding hi ongci mun mahmah hi).

2009 kum May kha sung John William Yet Taw vai tawh Daw Su insein gilbem sung ah thusit thuak hi. Leitungbup in lunglut mahmah hi. Tua laitak U Win Tin asuahtak cil hi. Media khempeuh ah U Win Tin i thugen bekbek suak hi.

Pu Cin Sian Thang leh U Win Tin tukhawm sak ding in man zaih ding in leitung mediate ah suaksak ding cih ka gel hi. Insein gilbem mai paiding Zomi kuamah kingah zolo hi. Kilau mahmah hi. Tua kawmkal ah hih Pu SB Thang No in a mawtaw tawh hong khaziau mawk hi. (Ka gelna bel tangtung napi ka phone pan computer zopna ding khau ka ngahzo vat kei a media tung katunzo kei hi)

Zomi ong khual hong veii hih Pu SB Thangno ong dam kikna ding in thungen ngeingai le hangh “Ka midik’ thungetna in vanglian hi” aci Pasian in hong dawng peelmawh in ka um hi.

Damna Mangpa Zeisu aw kong kisamh pha uh hi. Pu Thangboi