Malaysia gamsung ah IS migilo 19 kiman, SEA Games abuaisaksawm khat kihel
Malaysia gamsung ah SEA Games akipatma leh pawi hunsungteng in gamsung abuaisakthei migilo te ahunhun in bengkhiazelzel uhhi. July 04 leh August 30 kikal Malaysian Police te’n migilo in amuanmawh akigawm in mi 19 mankhia uh cih CNA pan kiza hi.
Tua akiman migilo 19 te lakah khatpa pen SEA Games pawipi amanni Closing Ceremony ah abuaisaksawm, Attack abawlsawm cisawnsawn hi.
Tuaban ah Iraq gammi unau pasal 2 zong akimanlak ah kihel uh a, tuate pen ISIS Commanders hiding in ki ummawh cihi. Tuate pen Southern Iraq panin hongki pankhia uhhi ci’n Inspector-General of Police Mohamad Fuzi Harun in Statement ah genkhia hi.
Tuate unau pen Malaysia gamsung ah Technicians naseptawh aom uh hi a, ahi zongin IS Commanders hiding in aki ummawh uh ahihi.
Tuate banah Selangor State, Shah Alam sungahzong Bangladesh gammi pasal khat July 04 ni in kiman hi. Tuapa pen Jamaat ul-Mujahideen kici migilo kipawlna tetawh akizom khat ahihi.
Tuapa pen Maahad Tahfiz Gombak aom Quran Reading School khatah sangsia “temporary teacher” nasep asemkhat ahihi. Migilo kipawlna tawh kizom ahih manin, Bangladesh Police te’nzong azonzon Wanted khat ahihi. Tuapa pen Malaysia gamsung ah abeisakum September 04, 2016 ni in alut hiding in ki ummawh hi.
Related: Malaysia SEA Games pawihunsung Security mi 7000 in mawhpuak lading
Migilo Terrorists akiman 19 tepen avekin gamdangmi vive kici a, Iraq, Bangladesh, Indonesia, Maldives, Palestine cih gamtuamtuam panin migilo tetawh akizom cih kiza hi. Malaysia gamsung ah SEA Games kimawl hunsung pen aki pataupian hihtuak a, Security Drill khawngzong limbawl mahmah uhhi. Ahi zongin Terrorist te buaisakna bangmah omlo in, hoihtak zosiangthei bilbel uhhi. Sawltak #zomidaily
Comment piaknop aomleh...