Yangon International Airport ah 2017 kumsung khualzin anawk mi 5.92 Million pha

Yangon International Airport ah 2017 kumsung khualzin anawk mi 5.92 Million pha

Myanmar, Yangon aom “Yangon International Airport” ah 2017 kumkhatsung khualzinmi anawkkha mi Passenger 5.92 Million pha cih Mizzima pan kiza hi. Naypyitaw limtak aki puahsam hangin Yangon International Airport (YIA) pen Myanmar gambup sungah khualzinmi te’n alimnawkpen “Busiest Airport” khatmah hilai veve hi.

2016 kumsung in hih Yangon International Airport ah anawkkha Passenger mi 5.45 Million ahihi. 2016 kumtawh tehkakna in Yangon International Airport ah 2017 kumsung Passenger alut apusuak anawkkha tamzaw a, 8.48% bang khangtozaw hi.

Hih Passenger 5.92 Million te lakah 3.93 Million ahih keileh 66% pen gamdangtawh akikawm, gamdang khualzin International Passengers vive hi a, tualo adang 1.99 Million ahih keileh 34% tepen gamsung khualzin Domestic Passenger vive ahihi.

Tua hi a, vanlam tawh khualzinna “Air Traffic” zong 2016 kum sangin 2017 kumsung ah 10.05% bang khangtozaw, tamzaw hi.

Myanmar gambup ah gamdang tawh kizopna vanlengtual “International Airport” pen 3 bekbek akineilai ahihi. Tua 3 tepen Yangon International Airport, Naypyitaw International Airport leh Mandalay International Airport ahihi. Bago Region ahzong “Hanthawaddy International Airport” cih vanlengtual khat kilamsan a, 2001 kumpek in Project akipan himahleh tudong ki zosiangthei nailo hi.

Tua International Airport aomsa 3 te lakah Yangon International Airport pen Passenger anak, alut apusuak khangto mahmah a, hongtungding Decade khatsung (kum 10 sung) ah kumsim in 20 Million Passenger bangin nawngkaina omlo in anawkden theiding in ki lamen hi.

More: Thailand, Phuket Airport ah pasalkhat aguaktangin om, a ektawh mi densawm

Tukumsung inzong Yangon International Airport sungah nasepzia hoihtak in amakaihding, Professional Management Standards amakaihding in COO thakkhat ki behlap hi. Tua COO (chief operating officer) pen Mr José Angeja ahihi. Mr José Angeja in Yangon International Airport sungah nasepzia, vaihawmzia Standard aomtheih nadingin hanciam in makaihding cih kiza hi. Sawltak #zomidaily