Russia te galvanleng khat kikapkhia, ahawlpa zong ki kaplum
Russia te ii galvanleng khat zanni Saturday ni in Syria gamsung ah ki kapkhiatsak hi ci’n Russian State-run News Agencies te’n genkhia uhhi. Russian Ministry of Defense te’nzong Su-25 Warplane kici galvanleng khat hongki kapkhiatsak hi ci’n gencianna neikhin uhhi.
State Media Outlet khat ahi RIA Novosti te pulakna ah tua galvanleng pen Northwest Syria, Idlib Province sungah aki kapkhia ci uhhi.
Tua Russian Warplane pen “al-Nusra Front Fighters” akici te ii thuneihna, ukcipna kuamsung ah Militants te’n akapkhiat uhhi ci’n RIA Novosti te’n genkhia uhhi.
Russian Defense Ministry te genkhiatna ah tua Su-25 Warplane galvanleng pen aki kapkhiat khitciangin ahawl Pilot papen vanleng sungpanin pusuak khiamanin vanleng kiatna ah Pilot pen silo cihi. Ahi zongin vanleng akiat khitciangin al-Nusra Fighters kici galkapte’n nakapthuah ahih manin, tuate kapna tawh tua Su-25 Warplane ahawlpa pen siveve hi.
Video: Russian plane shot down in Syria
Tua kuamsung tengah phu kilakna, kidona hangin Militants galkap 30 valbang siding hi ci’n Russian Defense Ministry te’n genkhia uhhi.
TASS Report pan akizakna ah tua Su-25 Warplane pen aki puakawikawithei Portable anti-aircraft missile system kici galvanleng kapkhiatna tawh aki kapkhia hi ci’n genkhia uhhi.
More: Sengam ah Flight Attendant numeikhat vanleng tungpan in kia in a awmguh kitan
Amukha Witness te genkhiatna ah hih Russia galvanleng ahawlpa, Pilot papen avanleng akikapkhak ciangin vandawn panin Parachute tawh lengkhia cihi. Anuai atuksuk ciangin akhut sungah Pistol khat puakawm himahleh, Free Syrian Army Fighter kici galkap tetawh kituakkha ahih manin, tuate’n na kaplum uhhi ci’n genkhia hi.
Idlib Media Center te’nzong hih galvanleng aki kapkhia, akitamzan Photo te khahkhia uh a, athem nennen in kithehzak zihziah hi. Sawltak #zomidaily
Comment piaknop aomleh...