Lamdawt tawn se dah ni

Lamdawt tawn se dah ni

Lamdawt tot pen kitungbaih napi-in, kigim mahmah hi. Lamdawt tot pen hun tomno adingin, ahoih bang napi-in, hun saupi adingin, lamdawt tot loh mah hoih zaw veve hi.

Hauh nadingin lamdawt i tot sawm lai teng, lungkim hun cih om ngeilo dinga, Thuman, kuhkal takin lampi maan i tot nak leh, hauhna zingni hong suah hun khat hong om veve ding hi.

Lamdawt tawnin tungbaih ding cih pen mihingte ut hi-a, lamdawt tawn se loin, thuman, kuhkal taka mainawt ciatciatna pen, Pasian’ deihna hizaw hi. Lamdawt tawn se dah ni. Ama hun a tun nak leh lamdawt sanga, amanlang zaw-in, Pasian in nasem thei lua hi. Amen.

“Limtakin ngaihsunin geelgeelna pen hauhna lampi hi a, nawhsa-in lopthop hihna pen zawnna lampi ahi hi.” Paunak 21:5

Khazih sungah,
David Tuang