Vuanzi Salai Isaac Khen in Media le kipawlnate State level – Khuado vai kimuhpih

Vuanzi Salai Isaac Khen in Media le kipawlnate State level – Khuado vai kimuhpih

Tuni zangkong khuapi sung tai 8(8 mile) kiim a kongminta nsaipi ah nitak 3:00pm pan 5:00pm sung vuanzi Salai Isaac Khen in zangkong khuapi aom Media te le kipawlna pawlkhat te tawh Chin State ah ahong tungding 3-6/11/2017 sungteng State level KHUADO pawi vai kimuh khopna(unofficial) in nei uh hi.

Athugenna pawlkhat lak-ah Hih KHUADO pawi bawlna pen deihna nam thum kinei hi.

Khatna ah Chin state sungah a om ngeina kip aki ciamtehsate kepcinna. Nihna ah Khualzinmite(tourists) in izia i tong i gam i ngeina te ong muhsakna’ng le onghawh nop nading sapna.  Thumna ah chin state sungah ciaptehna(Branded product) khat ong suah khiat nading. . hiteng ahi hi ci-in gen khia hi.

Agenbehna ah KHUADO pawi pen tuma kum sawmnih lai-in chin state bup level in kibawl a akibawlloh tu adan in kum sawmnih phata nungkum in state level chin state kumpi makaihna tawh kum 20 khit-ah Tedim-lailo khua ah kibawl hi. Tukum Tedim-saizang khua ah kibawl dingin mailam ah kizom toto ding hi.

Tutung gamdangmi sawmnga pan za kikal ong kihelzo ding in ngaihsun ung.

tuaban ah Mundang pan ongpai ding zin mi 500 in ka gelkhol uh hi. State sungpan in mi pan le zinvekpi tulkhat in dingin ka ngaihsun hi.

Chin state kumpi’n Project(gelna) khualzinmite’n(tourism) te tawh kisai-in khatna KHUADO- Nihna HONUMTHUNG (Mt. Victoria) le athumna RIH hiteng ahi hi. Rih pen Asian Advanture ciangin akivaihawm hi a 2018 teh akizo dingin tulaitak kumpi’n project asuaih lai hi-in amanteh private sector(aituamlamte)’ tekizuak ding hi ci-in genbeh hi.

Asung-ah akihel Pu Kapno(President of All Chin Society-Yangon& Secretary of Chin Chamber and Commerce Industry) in agenna ah hih KHUADO pawi pen thupi mahmah achin state kumpi’n ong vaihawm hoih mahmah hi nidang kawlgamsung mun tuamtuam ah sangnaupang (university) te’n abawlkhop ngeingai den hi-in tutung zong kumpi gelna KHUADO pawi-ah ikivahelzawh tek nading le no a ko a cilo-in ipankhop ngei ngai nading cih thu pulak hi. Mailam ah KHUADO le Chin National Day(Zomi Nam Ni) pen Kumpi official zumkhak a akineihzawh nading cihzong gen beh hi.

Related: Jews minamte’ ong lak Zomite’ mailam kalsuan zia ding ~ Khup Lian Thang

Apainuam akihel nuamte in zintunna giahna kisapna khat peuhpeuh aomleh vaipuak vaihawm pawl amakai ahi Pu Andrew Thatuang (09400309471) kiza sak le kiko thei ci-in Vaunzi pa’n gen hi.

Tedim khuapi pan minute 15 pan 25 kim bek kipai hi.Tedim Khuapi ah Hotel le Guest House zintun theihna 4 om hi. 25/10/3017|Phualva Lungtuak Media