Thuthak Tomkimcing 17 Sep 2014
A. ASEAN Culture Fair (2014) Kibawl ding.
Hongtung ding 2014 October 1 -2 hunsung Yangon Amyotaa Yatyung Hall ah ASEAN Cultural Fair kibawl ding ahihi. Tua mun mah Ngeina lasakna, Ngeina Laam lahna, Silh leh Teen nam tuamtuam lahna om ding ahihi. Ngeina vannam tuamtuam zuak theina 9ftx9ft bial kiim inndei kipia ding hi. Tua man in Zomi te zong kihel huai mahmah banah Ngeina van te namdang mituamtuam in a theihna ding in zuakna lahkhiat na neih huai mahmah ding ahihi. Alunglut te in 09 5121 451,U Than Yin, Xenon Company 01 297 045, 01 297 606, 01 398 844 leh 01 398 787 ah kiho theita hi. La aw khempeuh leh silh Leh teen Design peuhmah namdang te a aki copy lo Mordern tak in lahkhiat na thupi pen ding sak ding ci uhhi.
B. ISIS te in England te khat Ngawntan ding nei ung ci leuleu.
Abeisa hunsung in ISIS gilo mite in USA gam mi Journalist Jame Foley leh Steven Joel Sotloff UK gammi David Haines angawng tan khin zo uh hi. Tu in ali veina ngawntan ding in akhawi uh UK gam mi Mr Alan Henning nei leuleu ung ci hi. Tutung pen alamdang diak in Al Qada te pawl in ISIS te kiang ah thumsak in tutung pen mi ngawn tan nawn kei un, Mr Alan Henning zong khahkhia kik un ci bilbel ah hih man in lamdang kisa liang hi. Mithat a hoihloh na themthem tel ta ci in mu uhhi. Alan Hening pen Britain gam mi hi in nidang in taxi hawl tawh innkuan neek zong ahihi. Tu in azi le ta tetawh Syria gam om Galtaite donghu panpih ding in akitawi khia in akuan khia innkuan te ahi uhi.
C. Google in Ahawl omlo Drone vanleng tawh Internet hawm ding.
Google in abeisa hun in huihlak ah hunsau veipi aleng thei Drone vanleng te bawl Titan Aerospace leikhinzo uh ahihi. Hih pen April kha in alei uh hi a, Project Loon te tawh sep khawm ding in alei uh ahihi. Internet line ki ngahzo melmel lo, na mun te ah mutpuak khah khia in internet line hawm khiasak ding gel tanzen uh hi. Leitung kiimvel na
Satellite lamzinpi aniam pen pan in line hawmkhiat kawikawi ding in gel uh hi. Ahawl omlo Titan leh Drone kici Internet line hawmna pen sunni tangtha tawh kum nga sung Leitung kiim vel in Internet line hawm in leng dede sak ding gel uh ahihi. Tua man in hong tungding October ni 6 nipan kipan in Drone asinna in ni 180 sung New Mexico om Santa Fe khanglam Albuquerque pan in vanawngthawl sung ah hong lawn khia ta ding uhhi.
D.Euromoney Myanmar Global Investment Forum
Nay Pyi Taw khuapi ah Euromoney Institutional Investor (Asia) tawh kipawl in Myanmar Global Investment Forum Myanmar International Convention Center –MICC 2) hall ah 2014 Sep 17 in thupitak in bawl uhhi. Euromoney Institutional Investor (Asia) pan Chief Executive Officer, Mr. Tony Shale leh apawl te tampi kihel uhhi. Gamsung gampua taangmi palai, Nasep lian nei mihau te, Media thukan te pai uhhi. Mimal 1300 pha uh hi. Hau Thang
Comment piaknop aomleh...