USCIS zumte June 6 ni in ki hongkik tading

COVID-19 Alert IX: Breaking news: USCIS zum te June 6 ni in kihong kik ta ding

US Federal Government Agency khat ahi Department of Homeland Security nuai aa aom U.S. Citizenship and Immigration Services (USCIS) in COVID-19 hangaa Kha nih sung akikhak zum (offices) te June 6 ni in kihong ta ding cih taangko khia uh hi. USCIS zum (field offices) leh asylum offices teng kihong kik ding aa, emergency ahi lo maitang tawh kimuhna (non-emergency face-to -face services) te leh interview te kibawl kik ta ding hi.

Tua sungah citizenship, asylum, permanent resident (green card) interviews cih te leh citizenship ceremony cih te zong kihel ding hi. Ahi zongin huhna piakna (application support centers) cih te kihong kik nailo ding hi.

COVID-19 natna kilawh loh nang in anuai aa mi te zum (office/facility) sung kuamah kilutsak lo ding hi:

• COVID-19 natna symptoms te ahi bukhuh (cough), cisa (fever), naaklahna (difficulty breathing) a nei te
• COVID-19 natna nei (positive) tawh abeisa ni 14 sung akisawh kha, aom kha te
• Siavuan (doctor/health care provider) leh zato thu nei lam ten ni 14 sung self-quarantine ahih kei leh self-isolation akibawl sak te

USCIS zum sung alut peuh mah in anuai aa thukhun te azuih kul hamtang dinguh hi:

• Zum sung pen i appointment hun ii nai minute 15 asap ma bek in kilut thei ding aa, citizenship ceremonies akah ding ahih leh minute 30 ma in kilut thei bek ding hi.
• Hand sanitizer pen zum lutna kong ah kikoih ding aa, kizang ding hi.
• Zum sung alut peuh mah in maituam (face mask/covering) thuah hamtang ding hi. Athuah lo te kilut sak lo dingaa, appointment nei te ani leh ahun dang khat kibawl sak kik ding hi.
• Social distancing thukhun (guidelines) leh sign khempeuh zui hamtang ding hi.
• Zum sung lut ma in kongpi ah natna nei leh nei lo sit tel na leh dotna (health screening questions) kinei ding hi.
• Zum sung alut khempeuh in amau zat ding Laikung (pen – black or blue ink) te inn pan hong pua hamtang dinguh aa zum pan kipia lo ding hi.

More: Tulaitak US gamsung tungsa te USCIS pan Interview sapkikvai

Abeisa hun sung in COVID-19 hangaa appointment akikhin (cancel) khempeuh pen appointment ani leh anai thak kipia kik dingaa lai hong kikhak kik ding hi ci uh hi. US gam sung i tun ciang US ah asuak lo akua ma peuh in Green card leh citizenship ngah ding cih te leh asylum ngah ding cih te mah athupi pen khat ahih manin hi bangin Immigration zum te zong hong kihong kik ding ahih manin akua mapeuh in kinoptuampih mahmah ding hi. Topan hih COVID-19 natna pan amanlang tak in i suahtak ciat zawh nang hong siam ta hen. Thomas On Sian Mung (Thomas Mung Guite) Washington D.C May 29, 2020.