Niagra Falls
Niagra Falls ih cih pen Canada leh US gamgi a luang Niagra gunpi pan tuizeupi nih a piang pen Niagra Teutui akici ahihi. Tuizeu a tun ma in Goat Island kici tuikulh in guntui khen kham a 90% pen Canada lamah luangin 10% pen USA lamah luang hi. Canada lam a luang a zeupi a piangsak tuizeu min pen sakol khedap tawh kibang ahih manin Horse Shoe Falls or Canadian Falls kici hi. American gam lam a zeutui pen American Falls mah kici pah hi.
American Falls gei ah zong zeutui neu khen khat om a, tua pen mothakte kikhuhna dial – Bridal Veil Falls kici hi. Atung a kong pulaaksa mah bangin tua tuizeu thum kigawm pen Niagra Falls akici ahihi.
Niagra Falls
No. Name Ht. Width Volume of Water
- (1) Canadian Falls 170ft 2600ft 6,00,000 US gallons/sec
- (2) American Falls 70ft 1060ft 1,50,000 -do-
- (3) Bridal Veil Falls 70ft 56ft not available
Canadian Falls a tuilii thukna 184ft hi a, tuiteu/tuizeu sanna 170ft ahi hi. Kum 1888 February 24 in guntui luang khempeuh khalcip a, tui luang nawn lo hi ci-in kiciamteh hi. Tua lo kumdangte ah khalcip liang lo in tuiteu mah om veve lai hi. Canada lam pan enleeng a maisan tak takteng mah ki-en thei ding hi. Amau lam pan tourist zong tam zaw pah in sum lut zong a zah tampi in kikhaii ding hi. Hih Niagra Falls pen leitungah a lian pen nihna ahihi. (A lian penpen tuizeu pen Africa continent, Zambia leh Zimbabwe gam kikal aa luang Zambezi gun aa piang Victoria Falls ahihi.)
1820 kum pekpek akipan hih Niagra Falls tuiteupi en ding in a munmun a gamgam pan hong pai uhhi. Tu hun ciangin kum khat in hih Niagra Falls a en bekbek aa pai 12 millions bang pha hi ci in kiciamteh hi. (Tuiteu = Tuizeu)
Tua teng ka paina un zingsang nai 11:00AM mah hong sat pah a, ka ciah lam uh ciang Souvenir sai ah ka pai leuleu uhhi. Ngai Zen in letsongin Niagra Falls a tuang lim hoih mahmah khat hong leisak lailai banah ka ciah tak uh ciang in beel leh kuang tampi tak hong pua sak tentanh lailai a lungdamna lianpi tawh ka sang pah lian uhhi.
Azom omlai…
Agelh: Awn Za Pau
Comment piaknop aomleh...