Yangon ah British Teacher khat kithat

Yangon ah British Teacher khat kithat

Yangon, 39th Street aom inndei khatah British sangsia khat kithat cihthu Yangon Police Officers te’n zanni (November 06) ni in genkhia uhhi. Hih aki thatpa pen alawm sangsiakhat mahtawh Friday zanin Yangon khuasung ah zu dawnkhawm uhhi. Tua azu dawnkhop pihpa innsapna inndeisung ah sangsia khatpa asisa in kimu ahih manin, akhatpa palik te’n zonsan uhhi.

Palik te genkhiatna ah asipa pen British gammi kum 47 phakhinkhat cihi. Alawmpa inndei ah asisa in kimu a, alu leh a awm ah liamna om cih kiza AFP pan kiza hi.

Asipa ii azi in agenna ah apasal pen alawm khattawh Friday nitak in avakkhia uh hi a, azingciang zingsangdong ki thuza theinawnvetlo ci’n Police te tungah genkhia hi.

Sunday ni ciangin Friday nitak in aki kholhpih alawmpa innsaapna inndei sungah asisa in kimukhia hi.

Asipa leh alawmpa pen Horizon International School ah sangsia asemkhawm uh hi a, lawmta aki thuahthuah uh ahihi.

Hih International sanginn pen naupang Kindergarten panin High School Class dong aki kahthei sanginn khat hi a, sanginn thunei te lampan in hihvai tawh kisai bangmah genkhiatna neinailo uhhi. Tulaitak 39th Street ah innsaappa kizonsan cihciang kiza hi. ZD Sawltak #zomidaily