Malaysia Event khatah Gas kithun mutpuak te puakkham, mi tampi liam

Malaysia Event khatah Gas kithun mutpuak te puakkham, mi tampi liam

Malaysia, Kuala Terengganu sung aom pawi kibawlna khatah Gas akithun mutpuak Balloon hongkhat puakkham ahih manin mi tampiliam cih Straits Times pan kiza hi. Malaysian Media te genkhiatna ah aliam pen mi 31 bangpha ci uh a, tualak ah naupang tampi kihel cihi.

The Star te pulakna ah hih buaina apianpen Friday (October 21) ni hi a, ‘Walk for the Blind’ cih pawikibawlna ah apuakkham ci uhhi. Hih Event pen Terengganu Health Department te makaihna tawh akibawl ahihi.

Media te genna ah pawi kibawlna ah hih mutpuak te khahkhiading in meisah tawh akhau ahalna panin mutpuak te apuakkham ci uhhi. Aliam atamzaw pen amaitang, alu leh akhut cihte ah liamna ngah uh a, zato ah kipuakpah uhhi. Police te’n athu akician in kantellai uh cihi.

Pawi kibawlna khawngah mutpuak akikhahding ciangin aki khihna pen temteh tawh ki attakzaw himah leh hih pawibawl makai te’n meisah (Cigarette Lighter) tawh haltatsawm uh ahih manin mutpuak te apuakkham hihtuak hi. Kumpi thunei te’n hihbangdan apiankik nawnloh nadingin hoihtak Control bawlding uh cihi.

Mutpuak Hydrogen Gas akithun tepen meitawh ki naisakding hoihlo cih phawkding thupi khading hi. ZD Sawltak #zomidaily