USA ah mikhat kithat, athat mi 2 te Kawlgammi kici

USA ah mikhat kithat, athat mi 2 te Kawlgammi kici

USA, Texas State sung aom Amarillo khuasung Eastridge Park ah mikhat kithatlum in, athat te Police te’n azonsan laitak uh ahihi. Hih kithahna vai ageipan amukha Witnesses pawlkhat ii genkhiatna ah athate pen mi 2 hi a, Kawllgammi te hi uh cimawk hi.

Hih kithahna vaipen September 28 nitak 5:30pm hunpawl in thupiang hi a, Eastridge Park sungah mikhat asisa in om cih Police te akizaksak ciangin aphual ah delhpah uhhi.

Asipa pen kum 30 aphakhin Jamor Lee kici minnei khat hi a, Police Officers te atun ciangin avengsung aom mite in amau septheihbang in First Aid nabawl uhhi. Kithahna vai ahih manin Police te’nzong avai akancian dingin Special Crime Unit te zasakpah uh cihi.

Aliamgawp Jamor Lee pen ageinai aom Local Hospital khatah kipuakpah a, tuapan in anuntakna beisuak hi.

Hih kithahna vai amukha Witnesses te genna ah athatpen mi 2 hi in, Kawlgammi ci uhhi. Athahkhit uhciang in Ford SUV mawtaw asan khattawh taikhia uh ci’n genkhia uhhi.

Athatte Gardenia Southbound lamzuan in a mawtaw uhtawh taimai cihciang kiza hi.

Asipa luanghawm pen Lubbock ah September 29, 8:45am in kheiding uh a, Autopsy sitcianna neiding cihthu News Channel10 pan kizasawn hi.

Kawllgammi tezong US gamsung ah na maimai nawnlo hileh kilawm hi. ZD Sawltak #zomidaily

Update: Mithat dingin aki ummawh mi 2 zong ki mankhinta cih kizakbeh a, asawtlo in hong Update kik nung. Amin tepen Chin te hileh kilawm hi.