USA, Texas State sungah mikhat akithahna vaitawh kisai in Hrang Lian Mang leh David Sui Ceu Lian te kimankhinta cihthu Amarillo Police Department Officials te’n Thursday ni in genkhia uhhi.
Akithah laitak in ageipan amukha Witnesses te genkhiatna ah athat mi 2 tepen Kawlgammi hi uh acih mahbang in tu’n akiman tezong Kawllgammi bekthamlo, Chin State sungpan nahihtuak lailai hi.
Akiman lakah Hrang Lian Mang pen kum 23 hipan a, akhatzaw David Sui Ceu Lian zongpen kum 19 bek phapan hi.
Aki thatlumpa pen kum 30 aphakhin Jamor Durrell Lee kici minnei khat hi a, Police te genkhiatna ah Wednesday ni in 1314 Evergreen Street sungah akithat ci uhhi.
Police te genkhiatna ah David Sui Ceu Lian pen mithatvai tawh akiman hi a, Hrang Lian Mang pen asatliamgawp vaitawh akiman ci uhhi. Hih akiman tegel pen tulaitak Potter County Correction Center ah kikemphotding cihi.
Hih mithahna vaitawh kisai Special Crimes Unit te’n azak uh ciangin athu ala kancianpah uhhi. Aphual aom amukha Witnesses te genkhiatna tawh kizui in mithat te sulzuihpah uh a, a mawtaw zat leh mithatding in aki ummawh tezong Wednesday nimah in Police te’n khahkhia uhhi.
Related: Thailand gamsung Pattani khuasung ah Bomb nihvei puakkham in mi 51 liam
Tua tungtawn in Special Crimes Unit te’n amankhia uh cih Amarillo News pan kiza hi. Asipenpa ii luanghawm zong Thursday ni in Autopsy kibawlding cih News Release tungtawn in kiza hi. ZD Sawltak #zomidaily
Comment piaknop aomleh...