US Tourist 2 tawka dawksak in Temple tawh Photo kizaih, kum 5 bang thong kiatheiding

US Tourist 2 tawka dawksak in Temple tawh Photo kizaih, kum 5 bang thong kiatheiding

Thailand, Bangkok Temple minthang mahmah khat ii amailian ah American Tourist pasalnih tawdawksak in Photo kizaih sese uh a, Social Media ah Upload in khahkhia sawnsawn uh ahih manin, Thai kumpi thunei te’n manpah uh cih AFP pan kiza hi.

Tua American Tourist pasal nihte pen Joseph leh Travis Dasilva kici a, nih un kum 38 tuak aphakhin uh ahihi. Hih atung a Photo pen abeisa November 24 ni in Instagram tungah akhahkhiat uh hi a, tuahangin akiman ahihi ci’n Thai Police te’n zanni Wednesday (Nov 29) ni in genkhia uhhi.

Photo akizaihna munpen Bangkok khuasung aom Wat Arun (The Temple of Dawn) akicihna aminthang mahmah Bangkok Temple khat ahihi.

Tua Temple mai ah zahpihbawl in kilawmlo gamtatna tawh ataw dawksak sese in, Photo akizaih pen kizadah mahmah hi.

Atom in “Wat Arun” ci’n akithei ahi hih Temple ii amin taktakpen “Wat Arun Ratchawararam Ratchawaramahawihan” hi a, Bangkok khuasung, Yai District sung aom Chao Phraya River kici luigei ah akilam Buddhist Temple minthang mahmahkhat ahihi.

Tourism Authority of Thailand te’nzong Bangkok khuasung ah munminthang penpen khatin aciapteh uh ahihi.

Hih American Tourist te lawmta pen Thai gampan in aciahkhiatsawm laitak in Bangkok Airport panin Immigration te’n amatkhiat uh ahihi. Social Media tungah a Photo khahkhiat hangin, kumpi thunei te’n “Watch List” ah koih in a etcik gige laitak uh hi a, Bangkok Airport panin aciahkhiat madeuh in akimankhia ahihi.

Hihte lawmta pen Bangkok Airport ahzong mikhat US$150 tuak liausum kipia sakkhin hi ci’n Immigration Police spokesman Colonel Cherngron Rimpadee in genkhia hi.

Tuabektawh ki khahtuak hetlo a, Photo akizaihna Temple gei aom Police Station panin hihthu alen Colonel Jarupat Thongkomol in agenna ah hihthu pen ki mawkkoih loding hi. Lim ginalo khahkhiatna “Computer Crime Act for uploading pornographic pictures” tawh thu nakpi in kibawlsawm a, Court Approval aki ngaklaitak ahihi ci’n genkhia hi.

Thailand’s Monorchy mindaisakna, simawh bawlna cihte akipan biakna simmawh sakna in ki ngaihsun ahih manin, atawmpen kum 5 tuakbang thong ki khiatheiding cimawk hi.

Galkap kumpi uk “Junta-run Thailand” pen Buddhism aki bawlsiat sakleh khauhtak in thu bawlgiapgiap thei uhhi. Tuaban ah khualzin Tourist tepen Buddha Sculpture te leikhuan kipialo a, Fashion in zatdingin Buddha Tattoo leh limtuamtuam tezong kiphallo hi.

Buddhist Temple ahawhding Tourist tezong hoihtak in puan silhding, liangko tuamcip puansilhding, khezong avekin akhuhding in teengding cihte pen Bangkok’s Religious Landmarks khempeuh ah akisuang dimdem ahihi.

More: Bangkok ah pasal khatah Motorcycle tawh uikhat taalkaihgawp in kiman

2015 kum inzong Malaysia, Borneo Island ah gamdangmi Western Tourists mi 4 te aguaktang in “Nude Photo” kizaih uh ahih manin, Malaysia kumpi in hawlkhia “Deport” pahlian uhhi. Religion khatpeuh, biakna Denomination khatpeuhpen ih uppih keileh gensiat, bawlsiat, kosiatsak sesezong pilvai khollo hi. Sawltak #zomidaily