Malaysia, Sabah State sung aom Coffee Shop khatah zuakding in akikoih nektheih te anene zusa nih Video kizaihkha in Social Media tungah ki thehthanggawp hi. City Authorities te’n atheih uhciang in tua Coffee Shop pen kalnihsung khakcipsakpah uh a, hoihtak asiansuah mateng un vanzuakkhuan pialoding cih theStar pan kiza hi.
Sabah, Kota Kinabalu khuasung aom Likas Plaza sungah thupiang hi a, Kota Kinabalu City Hall director-general Datuk Joannes Solidau in agenkhiatna ah tua Coffee Shop pen zanni Friday ni in khakcipding thu kipiakhin ci a, kalnihsung siansuah hunding in thukipia cihi.
Tua Coffee Shop sung siansuahsak in sianthona “Cleanliness” hoihtak ki sitcianlai dinga, cidamna tawh kituak in Hygiene Practices omhiam cih vanzuak Shop Operator tezong hoihtak thudotna kineilaiding cihi.
Video: Coffeeshop asked to close after rats were found on food
Social Media ah aki khahkhia tua Video pen Second 34 bek sawt himahleh amukhapeuh in ki Share sawnin ki thehzakpah zihziah hi. Glass Display Cabinet sungkhatah nektheih kikoihte sikzaak in zusa nih kilehleh takpimawk a, hih Video pen anne in apai Customer te zaihkhak hiding in ki ummawh hi.
Related: Coffee dawndawn te Skin Cancer natna ngahhak ci ~ ZD
Hih Video azaihte anuihlualua laitakzong kiza ci a, alawmte khatkiang ah hih sai ah an nenawn hetkeini ci’n agenzong kiza cihi. Sawltak #zomidaily
Comment piaknop aomleh...